VIDEO: રથયાત્રા માટે કડક સુરક્ષા, જાહેરમાં હથિયાર પ્રદર્શન પર પ્રતિબંધ

સુરેન્દ્રનગર જિલ્લામાં યોજાનારી રથયાત્રાને લઈ જિલ્લા પોલીસ વડાએ આયોજકો સાથે વિશેષ બેઠક યોજી જરૂરી માર્ગદર્શિકા આપી છે. જિલ્લામાં 8 સ્થળોએ રથયાત્રા યોજાશે, જેને શાંતિપૂર્ણ અને સૌહાર્દપૂર્ણ માહોલમાં સંપન્ન કરવા જાહેરમાં હથિયાર પ્રદર્શન પર પ્રતિબંધ મૂકવામાં આવ્યો છે. ડીજે અને લાઉડસ્પીકરમાં કોઈપણ સમાજની લાગણીઓ દુભાય તેવા ગીતો કે પ્રવચનો ન કરવા પણ સૂચના આપવામાં આવી છે. તેમજ અજાણ્યા વ્યક્તિ પાસેથી મળતી ખાણીપીણી અથવા પ્રસાદની વસ્તુ આયોજકોની સલાહ બાદ જ સ્વીકારવા અપીલ કરાઈ છે. સમગ્ર યાત્રા દરમિયાન સુરક્ષા માટે 4 DYSP સહિત 1,000થી વધુ પોલીસ કર્મચારીઓ તૈનાત રહેશે.