VIDEO/ ઉમરેઠ પેટાચૂંટણી: 105 મતદારોએ ઘરે બેઠા કર્યું મતદાન; વૃદ્ધો-દિવ્યાંગો માટે ફ્રી વાહન સેવા

ઉમરેઠ વિધાનસભા પેટાચૂંટણીમાં જિલ્લા મુખ્ય ચૂંટણી અધિકારી પ્રવીણ ચૌધરીના માર્ગદર્શન હેઠળ તમામ ૩૦૬ બૂથ પર સો ટકા વેબકાસ્ટિંગની વ્યવસ્થા કરવામાં આવી છે, જેનું ઓડ ખાતેના કંટ્રોલ રૂમથી સતત મોનિટરિંગ કરવામાં આવી રહ્યું છે. આ વખતે મતદારો માટે એક અનોખી વ્યવસ્થા છે; પેટાચૂંટણી અને સ્થાનિક સ્વરાજની ચૂંટણી નજીક હોવાથી, આજે પ્રથમ આંગળી પર અને આગામી ચૂંટણીમાં બીજી આંગળી પર શાહીનું નિશાન કરવામાં આવશે. વહીવટી તંત્ર દ્વારા વૃદ્ધો અને દિવ્યાંગો માટે વાહન સેવા પૂરી પાડવામાં આવી છે, જ્યારે ૧૦૫ જેટલા મતદારોએ 'હોમ વોટિંગ' સુવિધાનો લાભ લીધો છે.