VIDEO: ડેપ્યુટી CM હર્ષ સંઘવીના આગમન પહેલાં તંત્રએ ખાડા પૂર્યા

દેવગઢ બારિયામાં ડેપ્યુટી CM હર્ષ સંઘવીના આગમન પહેલાં તંત્ર સફાળું જાગ્યું હોય તેમ રસ્તા પરના ખાડા પૂરવાની કામગીરી શરૂ કરાઈ છે. સેવા સંકલ્પ અભિયાન અંતર્ગત કાર્યક્રમમાં હર્ષ સંઘવી ઉપસ્થિત રહેવાના છે, ત્યારે દેવગઢ બારિયાથી પાવાગઢને જોડતા સ્ટેટ હાઈવે પર અનેક ખાડા જોવા મળ્યા હતા. ડેપ્યુટી CMના રૂટ પર ખાડા પુરવા માટે તંત્ર દ્વારા વેટ મિક્સ નાખવાની કામગીરી હાથ ધરાઈ હતી. જોકે વરસાદી પાણી ભરાયેલા ખાડામાં જ વેટ મિક્સ નાખવામાં આવતા રસ્તાની કામગીરી સામે સવાલો ઉઠ્યા છે. વધુ વરસાદ થાય તો રાહદારીઓ અને બાઈકસવારો માટે મુશ્કેલી ઊભી થવાની શક્યતા છે.