VIDEO: ચૂંટણી પંચ અને બિહારની કાયદો-વ્યવસ્થાને લઈને તેજસ્વીનો પ્રહાર

પટનામાં તેજસ્વી યાદવે બુધવારે યોજાનારી ઈન્ડિયા ગઠબંધનની બેઠક અને બિહારની કાયદો-વ્યવસ્થાને લઈને નિવેદન આપ્યું છે. તેમણે મુખ્ય ચૂંટણી કમિશનર જ્ઞાનેશ કુમારને લઈને સવાલો ઉઠાવ્યા અને ચૂંટણી પ્રક્રિયા તથા મતદાનના રેકોર્ડ જાળવવાના સમયગાળા અંગે પણ ચિંતા વ્યક્ત કરી. તેજસ્વી યાદવે આરોપ લગાવ્યો કે મતદાન અને ચૂંટણી સંબંધિત રેકોર્ડ રાખવાનો સમયગાળો ઘટાડીને 45 દિવસ કરવામાં આવ્યો છે. જોકે, ચૂંટણી પંચે તાજેતરમાં જણાવ્યું છે કે તેની પ્રક્રિયાઓ નિયમો અનુસાર છે અને SIR સંબંધિત નિર્ણયો પંચની સર્વસંમતિથી લેવાયા હતા. તેજસ્વી યાદવે બિહારની કાયદો-વ્યવસ્થાની સ્થિતિ અંગે પણ સરકાર પર સવાલો ઉઠાવ્યા હતા.