VIDEO: અમદાવાદમાં AMCની બેદરકારીથી ગંભીર અકસ્માત, ખુલ્લા ખાડામાં બે બાઇકચાલકો ખાબક્યા!

અમદાવાદ મ્યુનિસિપલ કોર્પોરેશન (AMC)ની ગંભીર બેદરકારી સામે આવી છે. ગોમતીપુર હાથીખાઈ પાણીની ટાંકી પાસે છેલ્લા પાંચ દિવસથી પાણીની પાઇપલાઇનમાં લીકેજ હતું. આ લીકેજના સમારકામ માટે રોડ પર મોટો ખાડો ખોદવામાં આવ્યો હતો, પરંતુ સુરક્ષા માટે ફરતે કોઈ જ પ્રકારનું બેરિકેટિંગ કે ચેતવણીનું બોર્ડ મૂકવામાં આવ્યું ન હતું. ગઈકાલે મોડી રાત્રે અંધારામાં બેરિકેટિંગ ન હોવાના કારણે બે બાઇક સવારો સીધા આ ખાડામાં ખાબક્યા હતા. તંત્રની આ ઘોર બેદરકારીના કારણે વાહનચાલકોના જીવ જોખમમાં મુકાયા છે, જેને લઈને સ્થાનિક લોકોમાં ભારે રોષ જોવા મળી રહ્યો છે.