VIDEO : ગીરના જંગલમાં સિંહો દ્વારા ગાયનો લાઈવ શિકાર કરવાના દ્રશ્યો સામે આવ્યા, સોશિયલ મીડિયામાં ભારે ચર્ચા

જૂનાગઢના સાસણ ગીરના જંગલમાં જંગલ સફારી દરમિયાન કુદરતનું એક રૌદ્ર અને અદભૂત સ્વરૂપ જોવા મળ્યું છે. પ્રવાસીઓની નજર સામે જ સિંહોએ ગાયનું લાઈવ શિકાર કરવાના દ્રશ્યો સામે આવ્યા છે. સફારી જીપ્સીની પાછળ ચાલી આવતી સિંહણે પલકવારમાં ગાય પર તરાપ મારી તેને દબોચી લીધી હતી. ગણતરીની સેકન્ડોમાં જ અન્ય સિંહ પણ આ શિકારમાં જોડાયા હતા. જીપ્સીની તદ્દન નજીક બનેલી આ રોમાંચક ઘટનાને જોઈ પ્રવાસીઓ સ્તબ્ધ થઈ ગયા હતા અને આ આખા થ્રિલર દ્રશ્યો કેમેરામાં કેદ થયા હતા. ગીરના ઈતિહાસમાં પ્રવાસીઓને ભાગ્યે જ જોવા મળતી આ લાઈવ હંટિંગની ઘટનાનો વીડિયો હાલ સોશિયલ મીડિયા પર ભારે ચર્ચાસ્પદ બન્યો છે, જે સિંહોની અદભૂત ચપળતા અને શિકાર કરવાની ક્ષમતાનું જીવંત ઉદાહરણ પૂરું પાડે છે.