VIDEO: હવામાન વિભાગની આગાહી, રાજ્યમાં ગરમીથી મળશે આંશિક રાહત, તાપમાનમાં 2થી 3 ડિગ્રીનો ઘટાડો થવાની શક્યતા

હવામાન વિભાગે રાજ્યમાં આગામી 24 કલાક બાદ ગરમીથી આંશિક રાહત મળવાની આગાહી કરી છે. આગામી છ દિવસ દરમિયાન તાપમાનમાં ક્રમશઃ 2થી 3 ડિગ્રીનો ઘટાડો થવાની શક્યતા વ્યક્ત કરવામાં આવી છે. આજે રાજ્યમાં હિટવેવનું કોઈ એલર્ટ જાહેર કરવામાં આવ્યું નથી, પરંતુ દરિયાકાંઠાના જિલ્લાઓમાં ગરમ અને ભેજવાળા પવનો ફૂંકાઈ શકે છે. સુરેન્દ્રનગરમાં સૌથી વધુ 44.5 ડિગ્રી તાપમાન નોંધાયું, જ્યારે રાજકોટ અને અમરેલીમાં 43.5 ડિગ્રી તાપમાન રહ્યું. અમદાવાદમાં 43.1 અને ગાંધીનગરમાં 43 ડિગ્રી તાપમાન નોંધાયું. સાથે જ 26 મે આસપાસ કેરળમાં ચોમાસું બેસવાની સંભાવના પણ વ્યક્ત કરાઈ છે.