VIDEO : લગ્નના માંડવેથી સીધા મતદાન મથકે પહોંચ્યું નવયુગલ, કર્યો મતાધિકારનો ઉપયોગ

તમિલનાડુ વિધાનસભા ચૂંટણી 2026 દરમિયાન કાંચીપુરમમાં લોકશાહી પ્રત્યેની અતૂટ નિષ્ઠા દર્શાવતી એક પ્રેરણાદાયી ઘટના સામે આવી છે. અહીં એક નવપરિણીત યુગલે લગ્નની વિધિઓ પૂર્ણ કર્યાના તરત બાદ જ મતદાન મથક પર પહોંચીને પોતાનો મતાધિકારનો ઉપયોગ કર્યો હતો. આ વર-કન્યા લગ્નના પરંપરાગત પોશાકમાં જ સીધા મતદાન કેન્દ્ર પર પહોંચ્યા હતા અને લોકશાહીના મહાપર્વમાં સહભાગી થયા હતા. લગ્ન જેવા અંગત અને મહત્વના પ્રસંગે પણ નાગરિક તરીકેની ફરજને અગ્રતા આપતા આ યુગલની ચારેતરફ પ્રશંસા થઈ રહી છે. મતદાન મથક પર હાજર લોકોએ આ નવદંપતીને વધાવ્યું હતું અને આ દ્રશ્ય અન્ય મતદારો માટે પણ જવાબદાર નાગરિક બનવાનું એક ઉત્તમ ઉદાહરણ પૂરું પાડ્યું હતું.