VIDEO: દિલ્હીમાં હાઈવોલ્ટેજ ડ્રામા: રાહુલ ગાંધી સહિત 'ઈન્ડિયા' ગઠબંધનના સાંસદો રાષ્ટ્રપતિ ભવન પહોંચ્યા, ચૂંટણી પંચ સામે મોટો મોરચો!
High Voltage Drama in Delhi: MPs of the 'India' coalition, including Rahul Gandhi, arrive at Rashtrapati Bhavan, big front against the Election Commission! |
મુખ્ય ચૂંટણી કમિશનર જ્ઞાનેશ કુમારના રાજીનામાની માંગ સાથે છેલ્લા 3 દિવસથી પ્રદર્શન કરી રહેલા વિપક્ષી નેતાઓને રાષ્ટ્રપતિ દ્રૌપદી મુર્મૂ તરફથી મળવાનો સમય મળ્યો છે. રાષ્ટ્રપતિએ આજે રાત્રે 8 વાગ્યે વિપક્ષી ડેલિગેશનને રાષ્ટ્રપતિ ભવન ખાતે મુલાકાત માટે બોલાવ્યા હતા. એટલે હાલ રાહુલ ગાંધી સહિતના નેતાઓ રાષ્ટ્રપતિ ભવન પહોંચ્યા છે.
રાષ્ટ્રપતિને મળવા જનાર ઈન્ડિયા ગઠબંધનના અગ્રણી નેતાઓ
આ પ્રતિનિધિમંડળમાં કોંગ્રેસમાંથી રાહુલ ગાંધી અને મલ્લિકાર્જુન ખડગે, TMCમાંથી મમતા બેનર્જી, નેશનલ કોન્ફરન્સમાંથી ઓમર અબ્દુલ્લા, CPMમાંથી એમએ બેબી, CIPમાંથી ડી રાજા, NCP(SP)માંથી સુપ્રિયા સુલે, VCKમાંથી થિરુમાવલવન, RJDમાંથી મનોજ ઝા અને સમાજવાદી પાર્ટીમાંથી રાજીવ રાય સામેલ છે.
મુલાકાત અને ભાજપનો આક્ષેપ
માનવામાં આવી રહ્યું છે કે, વિપક્ષી નેતાઓ રાષ્ટ્રપતિ સમક્ષ મુખ્ય ચૂંટણી કમિશનર સામે ફરિયાદ કરશે. બીજી તરફ ભાજપના સૂત્રો અનુસાર, આ મુદ્દે ઈન્ડિયા ગઠબંધનમાં સર્વસંમતિ નથી અને કોંગ્રેસની આગેવાનીથી સહયોગી પક્ષો નારાજ છે. આ કારણે જ શરદ પવાર, તેજસ્વી યાદવ અને અખિલેશ યાદવ જેવા મોટા નેતાઓ આ ડેલિગેશનમાં સામેલ નથી.
શું મુખ્ય ચૂંટણી કમિશનરને પદ પરથી હટાવી શકાય?
મુખ્ય ચૂંટણી કમિશનરને માત્ર 2 આધારો પર જ હટાવી શકાય છે: સાબિત થયેલું ગેરવર્તણૂક અથવા અસમર્થતા. આ માટે સંસદમાં મહાભિયોગ જેવી પ્રક્રિયા હેઠળ પ્રસ્તાવ લાવવો પડે છે, જેમાં લોકસભાના 100 સભ્યો અથવા રાજ્યસભાના 50 સભ્યોની સહી અનિવાર્ય છે. આ બેઠકમાં રાષ્ટ્રપતિ વિપક્ષને આ કાનૂની સ્થિતિથી વાકેફ કરી શકે છે.
સીઈસીને હટાવવાની કાનૂની પ્રક્રિયા
સહી થયેલો પ્રસ્તાવ સંબંધિત ગૃહના અધ્યક્ષ અથવા સભાપતિ સમક્ષ રજૂ કરવામાં આવે છે. જો અધ્યક્ષ તેને સ્વીકારે, તો તપાસ માટે 3 સભ્યોની સમિતિ (સુપ્રીમ કોર્ટના ન્યાયાધીશ, હાઈકોર્ટના મુખ્ય ન્યાયાધીશ અને જાણીતા કાયદાવિદ) બનાવવામાં આવે છે. મુખ્ય ચૂંટણી કમિશનરને પોતાનો પક્ષ રાખવાની તક મળે છે, અને જો આરોપો સાબિત ન થાય તો પ્રસ્તાવ રદ થઈ જાય છે.
