VIDEO: રાયબરેલીમાં ભાવુક થતા સોનિયા ગાંધીએ કહ્યું ‘મારો પુત્ર તમને સોંપી રહી છું’

લાંબા સમય બાદ સોનિયા ગાંધી જ્યારે જાહેર સભાને સંબોધવા તેમના સંસદીય ક્ષેત્ર રાયબરેલી પહોંચ્યા ત્યારે ભાવુક દેખાયા હતા. તેમને રાયબરેલીના લોકોને કહ્યું કે તે તેના પુત્રને તમને સોંપી રહી છે. રાહુલ તમને નિરાશ નહીં કરે.

સોનિયા ગાંધી જ્યારે શુક્રવારે તેમના સંસદીય ક્ષેત્ર રાયબરેલીમાં જાહેર સભાને સંબોધવા પહોંચ્યા ત્યારે ભાવુક દેખાયા હતા. ખૂબ જ સંક્ષિપ્ત ભાષણમાં, તેમને રાયબરેલીના લોકોનો આભાર વ્યક્ત કર્યો અને કહ્યું કે તે તેના પુત્રને તમને સોંપી રહી છે. જે રીતે તમે મને વીસ વર્ષથી પ્રેમ કર્યો છે, એ જ રીતે રાહુલને પ્રેમ આપજો. રાહુલ તમને નિરાશ નહીં કરે. આ દરમિયાન સોનિયા ગાંધીએ રાયબરેલી અને ઈન્દિરા ગાંધીની પોતાની યાદો પણ શેર કરી હતી. કહ્યું કે આ સંબંધ ગંગા જેવો પવિત્ર છે. સોનિયા ગાંધી છેલ્લા 20 વર્ષથી રાયબરેલી બેઠકનું પ્રતિનિધિત્વ કરે છે. આ વખતે રાહુલ ગાંધી રાયબરેલીથી ચૂંટણી લડી રહ્યા છે. રાયબરેલીમાં 20મી મેના રોજ મતદાન છે. આવતીકાલે ચૂંટણી પ્રચારનો છેલ્લો દિવસ છે.