VIDEO :  મદુરાઈમાં ચિથિરાઈ મહોત્સવનો ભવ્ય પ્રારંભ, ભગવાન કલ્લાઝગર સુવર્ણ પાલખીમાં બિરાજમાન થઈ યાત્રાએ નીકળ્યા

તમિલનાડુના મદુરાઈમાં વિશ્વપ્રસિદ્ધ ચિથિરાઈ મહોત્સવ નિમિત્તે અઝગર કોવિલના સુંદરરાજ પેરુમલ મંદિરના મુખ્ય દેવતા ભગવાન કલ્લાઝગરની મદુરાઈ તરફની યાત્રાનો ભવ્ય પ્રારંભ થયો છે. હજારો શ્રદ્ધાળુઓના જયઘોષ વચ્ચે ભગવાન સુવર્ણ પાલખીમાં બિરાજમાન થઈને મદુરાઈ જવા રવાના થયા હતા. પરંપરા મુજબ, ભગવાન કલ્લાઝગર તેમના બહેન મીનાક્ષી દેવીના લગ્નમાં હાજરી આપવા માટે આ યાત્રા કરે છે. માર્ગમાં વિવિધ સ્થળોએ તેમનું ઉષ્માભર્યું સ્વાગત કરવામાં આવશે. આ ઉત્સવનો સૌથી મહત્વનો પડાવ વૈગઈ નદીમાં ભગવાનનો પ્રવેશ હશે, જે જોવા માટે લાખોની મેદની ઉમટી પડશે. આ ધાર્મિક યાત્રાને પગલે મદુરાઈમાં સુરક્ષાનો ચુસ્ત બંદોબસ્ત ગોઠવવામાં આવ્યો છે.