VIDEO: અમદાવાદ: દીપડાની એન્ટ્રી, ઘુમાની સોસાયટીમાં લટાર મારતો CCTVમાં કેદ, વન વિભાગની 3 ટીમો દોડી

અમદાવાદ શહેરમાં દીપડાની દહેશતથી સ્થાનિકોમાં ભારે ભયનો માહોલ સર્જાયો છે. શહેરના ઘુમા વિસ્તારમાં આવેલી શરણદીપ સોસાયટીમાં રાત્રિ દરમિયાન દીપડો ઘૂસી આવ્યો હતો અને સોસાયટીના માર્ગો પર આંટાફેરા મારતો સીસીટીવી કેમેરામાં કેદ થયો છે. દીપડાના આ લાઈવ ફૂટેજ સામે આવતા જ રહીશોમાં દોડધામ મચી ગઈ છે અને સુરક્ષાને લઈને ચિંતા વ્યાપી છે..આ ઘટનાની જાણ થતાં જ વન વિભાગ અને કાંકરિયા પ્રાણીસંગ્રહાલયની ટીમ તાત્કાલિક ઘટનાસ્થળે દોડી ગઈ હતી. દીપડાને પાંજરે પૂરવા માટે અમદાવાદ વન વિભાગ દ્વારા તાબડતોબ ત્રણ વિશેષ ટીમો બનાવવામાં આવી છે. હાલ વન વિભાગની આ ટીમો દ્વારા દીપડો દેખાયો તે સમગ્ર વિસ્તારમાં સઘન સ્ક્રીનિંગ અને સર્ચ ઓપરેશન હાથ ધરવામાં આવ્યું છે.