VIDEO: મહેસાણામાં ઓફિસ બહારથી 40 હજારનું બાઇક ચોરાયું, પોલીસ ફરિયાદ નોંધાઇ

મહેસાણા શહેરમાં ચોરીની એક ઘટના સામે આવતા ચકચાર મચી છે. નાગલપુર રબારીવાસમાં રહેતા અને નોકરી કરતા રાજેશકુમાર રબારીનું 40 હજાર રૂપિયાની કિંમતનું બાઇક ચોરાયું છે. ગત 30 જુલાઈના રોજ તેઓ નાગલપુર હાઇવે પર પશાભાઈ પેટ્રોલ પંપ પાસે આવેલી ઓફિસે નોકરી માટે ગયા હતા. બપોરે બે વાગ્યે તેમણે બાઇક લોક કરીને રોડ સાઇડમાં પાર્ક કર્યું હતું. જોકે, સાડા ત્રણ વાગ્યે બહાર આવતા બાઇક ગાયબ જણાયું હતું. આસપાસ શોધખોળ કર્યા બાદ પણ કોઈ માહિતી ન મળતાં તેમણે મહેસાણા શહેર બી-ડિવિઝન પોલીસ મથકે અજાણ્યા તસ્કર વિરુદ્ધ ફરિયાદ નોંધાવી છે. પોલીસે તપાસ શરૂ કરી છે.