"અમે પાકિસ્તાનને પ્રેમ કરીએ છીએ", જેડી વેન્સના નિવેદન પર અમેરિકામાં ભારે હોબાળો: સીનેટર્સે લીધા આડે હાથ – 'શું ઇતિહાસ ભૂલી ગયા?'

વોશિંગ્ટન: અમેરિકાના વાઇસ પ્રેસિડેન્ટ (Vice President) જેડી વેન્સ (JD Vance) હાલમાં સ્વિટ્ઝર્લૅન્ડમાં ચાલી રહેલી શાંતિ વાટાઘાટો દરમિયાન આપેલા એક નિવેદનને કારણે પોતાના જ દેશમાં ઘેરાયા છે. જેડી વેન્સે પાકિસ્તાન પ્રત્યે પોતાનો પ્રેમ વ્યક્ત કરતા કહ્યું હતું કે, "અમે પાકિસ્તાનને પ્રેમ કરીએ છીએ." તેમના આ નિવેદન બાદ અમેરિકી રાજકારણમાં ખાસ કરીને રિપબ્લિકન પાર્ટી (Republican Party) ના સીનેટર્સમાં ભારે આક્રોશ જોવા મળી રહ્યો છે. વિરોધ કરી રહેલા સીનેટર્સે જેડી વેન્સને આતંકવાદનો ઇતિહાસ યાદ અપાવતા ઓસામા બિન લાદેન (Osama bin Laden) અને પાકિસ્તાની ગુપ્તચર એજન્સી ISI ના મુદ્દે જોરદાર ક્લાસ લીધો છે.

આ પણ વાંચો :

ટ્રમ્પ સાથે ચીન કેમ ન ગયા જેડી વેન્સ? ઉપપ્રમુખ બોલ્યા - 'વ્હાઇટ હાઉસમાં ‘હોમ અલોન’ જેવી લાગણી થાય છે'

અમેરિકા-ઈરાન વચ્ચે સ્વિત્ઝર્લેન્ડમાં ઐતિહાસિક શાંતિ વાટાઘાટો: હોર્મુઝની કટોકટી વચ્ચે જેડી વેન્સ સંભાળશે મોરચો

શું છે સમગ્ર વિવાદ? 

આ પણ વાંચો :

સ્વિટ્ઝર્લેન્ડ પહોંચ્યા જેડી વેન્સ; જાણો ઈરાનના પરમાણુ ઠેકાણાઓ સુધી જવાની મંજૂરીના બદલામાં અમેરિકા શું આપશે?

અમેરિકાનો ‘લાલચી પ્લાન’: ઈરાનની ફ્રીઝ સંપત્તિ મુક્ત કરવા જેડી વેન્સે મૂકી અનોખી શરત

સ્વિટ્ઝર્લૅન્ડમાં ઈરાન સાથે શાંતિ સમજૂતીની ટેકનિકલ બાબતો પર પાકિસ્તાન અને કતારના નેતાઓ સાથે ચાલી રહેલી બેઠક દરમિયાન જેડી વેન્સે હળવા અંદાજમાં પાકિસ્તાન પ્રત્યે સોફ્ટ કોર્નર (Soft Corner) દર્શાવ્યો હતો. જેડી વેન્સે રવિવારે જણાવ્યું હતું કે, પાકિસ્તાની આર્મી ચીફ (Army Chief) જનરલ આસિમ મુનીર તેમના બે સૌથી 'ફેવરિટ' (Favorite) લોકોમાંથી એક છે.

તેમણે મજાકિયા અંદાજમાં કહ્યું, "જ્યારથી ઇસ્લામાબાદમાં વડાપ્રધાને અમારું સ્વાગત કર્યું છે, ત્યારથી હું મજાકમાં કહેતો આવ્યો છું કે મારી જીંદગીમાં બે ખૂબ જ મહત્વપૂર્ણ લોકો છે - જેમાં એક ભારતીય છે અને એક પાકિસ્તાની છે. ભારતીય મારી પત્ની (ઉષા ચિલુકુરી વેન્સ) છે અને બીજા પાકિસ્તાની ફિલ્ડ માર્શલ મુનીર છે." તેમણે એવો પણ દાવો કર્યો કે છેલ્લા ત્રણ મહિનામાં તેમણે અન્ય કોઈ નેતા કરતાં આર્મી ચીફ મુનીર સાથે સૌથી વધુ વાતચીત (Most Conversation) કરી છે.

રિપબ્લિકન સીનેટર્સે ઇતિહાસ યાદ અપાવ્યો 

જેડી વેન્સના આ 'પાકિસ્તાન પ્રેમ' પર રિપબ્લિકન સીનેટર્સે તીખી પ્રતિક્રિયા આપી છે. ફ્લોરિડાના સીનેટર રિક સ્કોટ (Rick Scott) એ સોશિયલ મીડિયા પ્લેટફોર્મ એક્સ (X) પર પોસ્ટ કરીને લખ્યું, "હવે એ સ્પષ્ટ થઈ જવું જોઈએ કે આપણા અસલી મિત્રો કોણ છે. કતાર અને પાકિસ્તાનનો આતંકવાદીઓને આશ્રય (Harboring Terrorists) આપવાનો લાંબો ઇતિહાસ રહ્યો છે. હાલમાં તેઓ કોઈ સાર્થક શાંતિ સ્થાપવાને બદલે ઈરાનના દાયકાઓ જૂના આતંકી અભિયાનને પ્રોત્સાહન આપવામાં વધુ રસ દાખવી રહ્યા છે."

તેમણે ઉમેર્યું કે, વાટાઘાટો ભલે ચાલતી હોય પરંતુ અમેરિકાએ એ ક્યારેય ન ભૂલવું જોઈએ કે ઈરાન કોઈપણ સંજોગોમાં પરમાણુ હથિયાર (Nuclear Weapons) ન બનાવી શકે.

ઓસામા બિન લાદેન અને ISI નો ઉલ્લેખ 

બીજી તરફ, મોન્ટાનાના સીનેટર ટિમ શીહી (Tim Sheehy) એ ફોક્સ ન્યૂઝ (Fox News) ને આપેલા ઇન્ટરવ્યુમાં પાકિસ્તાનને આડે હાથ લેતા કડક શબ્દો કહ્યા. તેમણે કહ્યું, "પાકિસ્તાનની ભૂમિકા અંગે આપણે એ ન ભૂલવું જોઈએ કે આ એ જ દેશ છે જેણે એક દાયકા સુધી મોસ્ટ વોન્ટેડ આતંકી ઓસામા બિન લાદેનને છુપાવી રાખ્યો હતો અને પોતાની ગુપ્તચર એજન્સી ISI દ્વારા અયાતુલ્લા (ઈરાની શાસન) ને ફંડિંગ પૂરું પાડ્યું હતું."

ટિમ શીહીએ વધુમાં જણાવ્યું કે પાકિસ્તાનીઓએ ISI ના માધ્યમથી અમેરિકા સામેના વિદ્રોહ (Insurgency Against US) ને ફંડ આપ્યું હતું, તેથી તેઓ આ શાંતિ વાટાઘાટોમાં એક નિષ્પક્ષ મધ્યસ્થી (Neutral Mediator) ની ભૂમિકા ભજવી શકે તેવું માની લેવું મોટી ભૂલ હશે. કતાર પણ વર્ષોથી આતંકી સંગઠનો માટે મની લોન્ડરિંગ (Money Laundering) કરતું આવ્યું છે.

મધ્ય પૂર્વમાં અસલી મિત્રો કોણ?

સીનેટર ટિમ શીહીએ અમેરિકી વહીવટીતંત્રને સલાહ આપતા જણાવ્યું કે જો આ આંતરરાષ્ટ્રીય વાટાઘાટોની ટેબલ પર પાકિસ્તાન અને કતાર હાજર હોય, તો અમેરિકાએ આ પ્રક્રિયામાં યુએઈ (UAE), ઈઝરાયેલ (Israel) અને સાઉદી અરેબિયા (Saudi Arabia) ને પણ સમાન રીતે સામેલ કરવા જોઈએ. તેઓ જ મધ્ય પૂર્વ (Middle East) ક્ષેત્રમાં અમેરિકાના સૌથી મજબૂત અને અસલી સાથીદાર (Real Allies) રહ્યા છે અને અમેરિકાએ તેમની સાથે મજબૂતાઈથી ઊભા રહેવું જોઈએ.