VIDEO: ઈઝરાયેલી સૈનિકોએ છત પરથી ફેંક્યા મૃતદેહ: પત્રકારોએ કેમેરામાં કેદ કરી ઘટના
ઈઝરાયેલ અને હમાસની વચ્ચે યુદ્ધ સમાપ્ત થવાનું નામ નથી લઈ રહ્યું. ગાઝા અને વેસ્ટ બેન્કમાં ઈઝરાયેલ સેના
ઈઝરાયેલ અને હમાસની વચ્ચે યુદ્ધ સમાપ્ત થવાનું નામ નથી લઈ રહ્યું. ગાઝા અને વેસ્ટ બેન્કમાં ઈઝરાયેલ સેના આઈડીએફ (IDF) નો કહેર હજુ શરૂ જ છે. આ દરમિયાન સોશિયલ મીડિયા પર એક વીડિયો વાયરલ થઈ રહ્યો છે, જેમાં વેસ્ટ બેન્કમાં ઈઝરાયેલ સૈનિકો બહુમાળી ઈમારતની છત પરથી પેલેસ્ટાઈનના અમુક યુવકોનો મૃતદેહ નીચે ફેંકી રહ્યાં છે. આ વીડિયો વાયરલ થયાં બાદ વિવાદ શરૂ થયો છે અને ઘણાં માનવાધિકાર સંગઠનો તેની નિંદા કરી રહ્યાં છે.
ઈઝરાયેલ સેના ગુરૂવારે વેસ્ટ બેન્કના ઉત્તરના ભાગમાં દરોડો કરવા પહોંચી હતી. કબાતિયા શહેરમાં દરોડા પાડતી વખતે આઈડીએફએ ઈમારતની છત પર પડેલાં પેલેસ્ટાઇનના લોકોના મૃતદેહને નીચે ફેંકી દીધાં હતાં. આ સમગ્ર ઘટના તે સમયે ત્યાં હાજર અમુક પત્રકારોએ પોતાના કેમેરામાં કેદ કરી હતી.
આ ઘટનાના વાયરલ વીડિયોમાં ઈમારતની છત પર ઉભેલા અમુક ઈઝરાયેલ સૈનિકો ત્યાં પડેલાં મૃતદેહોને ઉપાડીને છતની કિનારીએ લાવીને નીચે ફેંકી રહ્યાં છે.
પેલેસ્ટાઇનના એક માનવાધિકાર સમૂહ અલ-હકના ડિરેક્ટર શાવન ઝબારિને કહ્યું કે, આવું કરવાની કોઈ જરૂર ન હતી. પેલેસ્ટાઇનના લોકોના મૃતદેહ સાથે જાનવરની જેવો વ્યવહાર કરવામાં આવ્યો છે. આ વીડિયો ચોંકાવનારો હોવા છતાં ચોકાવતો નથી. મને તો શંકા છે કે, ઈઝરાયેલ આ ઘટનાની યોગ્ય રીત તપાસ પણ નહીં કરે.
