શું દુનિયા નવી મહામારીના દરવાજે? તિબ્બતી ભિક્ષુઓની ગુપ્ત માહિતી, રશિયામાં પ્લેગથી વિજ્ઞાનીના મોતે ચિંતા વધારી
છેલ્લું અપડેટ : 07 Oct 2026
રશિયામાં 28 વર્ષીય વિજ્ઞાની ડાર્યા શિપિલોવાના મૃત્યુ બાદ નવી મહામારીની ચર્ચાએ જોર પકડ્યું છે. મીડિયા રિપોર્ટ્સ અનુસાર, સાઇબિરીયાની એન્ટિ-પ્લેગ ઇન્સ્ટિટ્યૂટમાં કામ કરતી ડાર્યા ન્યુમોનિક પ્લેગ (Pneumonic Plague)થી સંક્રમિત થઈ હતી. આ ઘટનાને બ્રિટિશ ભવિષ્યવક્તા ક્રેગ હેમિલ્ટન-પાર્કરની તાજેતરની મહામારી અંગેની ચેતવણી સાથે સોશિયલ મીડિયા પર જોડવામાં આવી રહી છે.
ક્રેગ હેમિલ્ટને શું ચેતવણી આપી હતી?
24 સપ્ટેમ્બરના એક વીડિયોમાં હેમિલ્ટન-પાર્કરે ફેફસાં પર અસર કરતી ગંભીર બેક્ટેરિયલ મહામારી આવવાનો દાવો કર્યો હતો. તેમના કહેવા પ્રમાણે, આ બીમારીને નિયંત્રણમાં લેવી મુશ્કેલ બની શકે છે. તેમણે આ માહિતી તેમને મળેલા બે તિબ્બતી ભિક્ષુઓ પાસેથી મળી હોવાનો દાવો પણ કર્યો હતો.
લેબમાં ટેસ્ટ ટ્યુબ તૂટવાથી સંક્રમણનો દાવો
રિપોર્ટ્સમાં જણાવાયું છે કે ડાર્યા શિપિલોવા લેબમાં કામ કરતી વખતે જીવંત બેક્ટેરિયા ધરાવતી ટેસ્ટ ટ્યુબ તૂટી જતાં સંક્રમિત થઈ હતી. ત્યારબાદ ન્યુમોનિક પ્લેગથી તેમનું મોત થયું હોવાનું કહેવાય છે. તેમના મૃત્યુ બાદ ઘટનાને લઈને રશિયામાં ચિંતા વધી છે.
200 લોકો ડોક્ટરોની દેખરેખ હેઠળ
રિપોર્ટ્સ અનુસાર, ડાર્યાના સંપર્કમાં આવેલા લોકો સહિત આશરે 200 લોકોને તબીબી દેખરેખ હેઠળ રાખવામાં આવ્યા છે. તેમના સાથે કામ કરતા 60થી વધુ સહયોગીઓ અંગે પણ કડક દેખરેખ રાખવામાં આવી રહી હોવાનું જણાવાયું છે. ઇરકુત્સ્ક વિસ્તારમાં આરોગ્ય વ્યવસ્થાને લઈને પણ સાવચેતી વધારવામાં આવી હોવાના દાવા છે.
શું આ ખરેખર નવી મહામારીની શરૂઆત છે?
ડાર્યાના મૃત્યુ અને હેમિલ્ટન-પાર્કરની ભવિષ્યવાણી વચ્ચે સીધો સંબંધ હોવાનો કોઈ પુષ્ટિ થયેલો પુરાવો નથી. સોશિયલ મીડિયા પર લોકો બંને ઘટનાઓને જોડીને ચર્ચા કરી રહ્યા છે, પરંતુ ભવિષ્યવાણી સાચી સાબિત થઈ હોવાનું માનવા માટે વૈજ્ઞાનિક પુરાવા જરૂરી છે. હેમિલ્ટને AI (Artificial Intelligence)ની મદદથી આવી બીમારી પર ઝડપથી નિયંત્રણ મેળવવાની આશા પણ વ્યક્ત કરી છે.
