Video: રશિયામાં મોટી વિમાન દુર્ઘટના: હવામાં આગ લાગ્યા બાદ આર્મીનું પ્લેન ક્રેશ થયું, 17 લોકોના મોત

સોર્સ: gstv

રશિયાના કેમેરોવો વિસ્તારમાં રશિયન આર્મીનું એક એએન ટ્વેલ્વ વિમાન દુર્ઘટનાગ્રસ્ત થયું છે, જેમાં સવાર તમામ 17 લોકોના ઘટનાસ્થળે જ મોત નિપજ્યા છે. પ્રત્યક્ષદર્શીઓ અને સ્થાનિક મીડિયા રિપોર્ટ્સ અનુસાર, ઉડાન દરમિયાન વિમાનમાં હવામાં જ અચાનક આગ લાગી ગઈ હતી. ત્યારબાદ વિમાન ઝડપથી નીચે તરફ પડવા લાગ્યું અને જમીન સાથે ટકરાતા જ તેમાં જોરદાર વિસ્ફોટ થયો હતો. અકસ્માત એટલો ભયાનક હતો કે વિમાનમાં સવાર કોઈપણ વ્યક્તિને બચાવી શકાયા નથી. વિમાનમાં આગ લાગી ગઈ હતી અને ક્રૂએ અંતિમ સમય સુધી સળગતા વિમાનને રહેણાંક ઈમારતોથી દૂર લઈ જવાનો પ્રયાસ કર્યો, જેથી જમીન પર જાનમાલનું નુકસાન ન થાય. આ વિમાન સાઇબેરિયાના નોવોસિબિર્સ્કથી ક્રાસ્નોયાર્સ્ક ક્રાઈના કાંસ્ક જઈ રહ્યું હતું. દુર્ઘટનાસ્થળ પર એક ઈમરજન્સી રિસ્પોન્સ સેન્ટર બનાવવામાં આવ્યું છે. ઘટનાસ્થળે મેડિકલ ટીમ, પોલીસ, આપાતકાલીન સેવાઓ અને નેશનલ ગાર્ડના જવાનોને તૈનાત કરવામાં આવ્યા છે. હાલ વિમાન ક્રેશ થવાનું અસલી કારણ સામે આવી શક્યું નથી અને મામલાની તપાસ કરવામાં આવી રહી છે.

આ સમાચાર શેર કરો

જાહેરાત