ઈરાનની ખુલ્લી ધમકી: હવે અમેરિકા અને ઈઝરાયેલના સૈન્ય અધિકારીઓના ઘરો બનશે નિશાન
છેલ્લું અપડેટ : 30 Mar 2026
અમેરિકા અને ઈઝરાયેલ દ્વારા ઈરાન પર સતત 31 દિવસથી થઈ રહેલા હુમલાઓ વચ્ચે મધ્ય પૂર્વ (Middle East) માં યુદ્ધ વધુ ભયાનક વળાંક લઈ રહ્યું છે. ઈરાનની સશસ્ત્ર સેના IRGC (Islamic Revolutionary Guard Corps) એ હવે દુશ્મન દેશોના રાજકીય અને સૈન્ય અધિકારીઓના ખાનગી રહેઠાણોને નિશાન બનાવવાની ચેતવણી આપી છે.
ખાનગી આવાસ હવે 'વૈધ લક્ષ્ય'
ઈરાની સૈન્ય કમાનના પ્રવક્તા ઇબ્રાહિમ જોલ્ફઘરીએ રવિવારે જાહેર કર્યું કે અમેરિકા અને ઈઝરાયેલના સૈન્ય તેમજ રાજકીય અધિકારીઓના ખાનગી મકાનો હવે ઈરાન માટે હુમલાના કાયદેસરના લક્ષ્યો છે.
બદલાની કાર્યવાહી
ઈરાને આ નિર્ણય પાછળનું કારણ જણાવતા કહ્યું કે અમેરિકા અને ઈઝરાયેલે ઈરાનના વિવિધ શહેરોમાં નિર્દોષ નાગરિકોના રહેણાંક વિસ્તારો (Residential Areas) ને નિશાન બનાવ્યા છે.
યુનિવર્સિટીઓ પર ખતરો
IRGC એ પહેલીવાર શૈક્ષણિક સંસ્થાઓને યુદ્ધના દાયરામાં લાવતા પ્રદેશમાં આવેલી અમેરિકી અને ઈઝરાયેલી યુનિવર્સિટીઓ પર હુમલો કરવાની ધમકી આપી છે.
અમેરિકાને કડક ચેતવણી
ઈરાને અમેરિકાની વધતી સૈન્ય તૈનાતી (Military Deployment) વચ્ચે સ્પષ્ટ શબ્દોમાં ચેતવણી આપી છે: જો અમેરિકા જમીની આક્રમણ કરવાની હિંમત કરશે, તો અમેરિકી સૈનિકોને "આગના હવાલે" કરી દેવામાં આવશે. IRGC એ અમેરિકાને 30 માર્ચ બપોરે 12 વાગ્યા સુધીનો સમય આપ્યો છે કે તે ઈરાની શૈક્ષણિક સંસ્થાઓ પર થતા હુમલાની નિંદા કરે અને ઈઝરાયેલને રોકે.
રાજકીય પ્રતિક્રિયા
ઈરાનના સંસદ અધ્યક્ષ મોહમ્મદ બગેરી કલીબાફ (Mohammad Baqer Qalibaf) એ જણાવ્યું કે શાંતિ વાટાઘાટો (Peace Talks) માત્ર એક દેખાવો છે, જ્યારે વાસ્તવમાં અમેરિકા સતત વધારાના સૈનિકો મોકલી રહ્યું છે.
