હોર્મુઝ સ્ટ્રેટ ખોલવા ઈરાન તૈયાર, પરંતુ અમેરિકા સામે મૂકી દીધી 3 મોટી શરતો

હોર્મુઝ સ્ટ્રેટ ખોલવા ઈરાન તૈયાર, પરંતુ અમેરિકા સામે મૂકી દીધી 3 મોટી શરતો
તસવીર: Google
આ સમાચાર સાંભળો

અમેરિકા અને ઈરાન વચ્ચે ચાલી રહેલા તણાવની સીધી અસર વૈશ્વિક તેલ પુરવઠા પર પડી રહી છે. વિશ્વની કુલ તેલ જરૂરિયાતના આશરે 20% હિસ્સાની હેરફેર માટે ઉપયોગી 'સ્ટ્રેટ ઓફ હોર્મુઝ' (Strait of Hormuz) માં જહાજોની અવરજવર હજુ પણ સામાન્ય થઈ શકી નથી. આ દરમિયાન ઈરાનના વિદેશ મંત્રી અબ્બાસ અરાઘચીએ સ્પષ્ટ કર્યું છે કે જો અમેરિકા આંતરરાષ્ટ્રીય કાયદા મુજબ ઈરાનની વ્યાજબી શરતો સ્વીકારી લે, તો હોર્મુઝ જળમાર્ગ ફરીથી ખોલવો મુશ્કેલ નથી.

ઈરાને અમેરિકા સામે મૂકી છે આ 3 મુખ્ય શરતો

જાહેરાત

એક ઈરાની સમાચાર એજન્સીના અહેવાલ મુજબ, અરાઘચીએ કહ્યું કે હોર્મુઝ સંકટ ઉકેલવા માટે વોશિંગ્ટને પોતાની ભૂલો સ્વીકારવી પડશે અને જૂના વચનો પૂરા કરવા પડશે. ઈરાને અગાઉ રજૂ કરેલા 7 દિવસના પ્રસ્તાવમાં 3 મુખ્ય શરતો મૂકી હતી.

નૌસૈનિક નાકાબંધી હટાવવી: ઈરાની બંદરો અને હોર્મુઝ આસપાસ અમેરિકી નૌકાદળની નાકાબંધી દૂર કરવી.

તેલ પ્રતિબંધોમાં રાહત: ઈરાનના ક્રૂડ ઓઈલના વેચાણ પર લાગેલા પ્રતિબંધોમાં છૂટ આપવી.

વ્યાપક યુદ્ધવિરામ: અમેરિકા-ઈરાન યુદ્ધમાં એવો યુદ્ધવિરામ લાગુ કરવો જેમાં લેબનોનનો પણ સમાવેશ થાય.

ડોનાલ્ડ ટ્રમ્પ ઈરાનની શરતોથી અસંતુષ્ટ

બીજી તરફ, અમેરિકાના પ્રમુખ ડોનાલ્ડ ટ્રમ્પે ઈરાનની શરતો પર અસંતોષ વ્યક્ત કરતા કહ્યું છે કે ઈરાન સાથે થનારી કોઈપણ સમજૂતી કાયમી અને ટકાઉ હોવી જોઈએ, જેનો મુખ્ય ઉદ્દેશ્ય તેહરાનને પરમાણુ હથિયારો મેળવતા રોકવાનો હશે. એક ઈન્ટરવ્યુમાં ટ્રમ્પે આરોપ લગાવ્યો કે ઈરાનનો ઈતિહાસ સમજૂતીઓ તોડવાનો રહ્યો છે. ઉલ્લેખનીય છે કે અમેરિકી નૌકાદળે આ વ્યૂહાત્મક જળમાર્ગ પર નાકાબંધી યથાવત રાખી છે.

આ સમાચાર શેર કરો

જાહેરાત