લેબનોનથી હિઝબુલ્લાએ ઇઝરાયેલ પર ચલાવ્યો રોકેટનો મારો, આયર્ન ડોમે બતાવ્યો કમાલ 

ઈઝરાયેલ એકસાથે અનેક મોરચે સંઘર્ષનો સામનો કરી રહ્યું છે. એક તર ફ ગાઝા અને રફાહમાં હમાસ વિરુદ્ધ તેની સૈન્ય કાર્યવાહી ચાલી રહી છે, તો બીજી તરફ હવે તેને લેબનોન સરહદ પર હિઝબુલ્લાહ સાથે સામનો કરવો પડી રહ્યો છે. હિઝબુલ્લાએ શનિવારે સાંજે દક્ષિણ લેબનોનથી ઉત્તરી ઇઝરાયેલમાં રોકેટ હુમલા શરૂ  જો કે, ઇઝરાયેલની હવાઈ સંરક્ષણ પ્રણાલી આયર્ન ડોમે ગેલીલી પેનહેન્ડલ (ઉત્તરી ઇઝરાયેલ અને દક્ષિણ લેબેનોન વચ્ચેનો વિસ્તાર) ઉપર હવામાં આ રોકેટમાંથી મોટાભાગના રોકેટને અટકાવ્યા અને તેનો નાશ કર્યો.

હિઝબુલ્લાહ દ્વારા રોકેટ હુમલો દક્ષિણ લેબનીઝ શહેર દેઇર સિરિયાનામાં ઇઝરાયેલના હવાઈ હુમલામાં 17 વર્ષીય છોકરાની હત્યા અને છ અન્ય ઘાયલ થયા પછી થયો હતો. અગાઉ, ઇરાન સમર્થિત ઉગ્રવાદી જૂથ હિઝબુલ્લાહના મુખ્ય કાર્યકર્તા અલી અબ્દ અલી, દક્ષિણ લેબનોનના શહેર બજોરીહમાં શનિવારે સવારે ઇઝરાયેલી ડ્રોન હુમલામાં માર્યા ગયા હતા. ઇઝરાયેલી સૈન્યએ માર્યા ગયેલા ઓપરેટિવને હિઝબુલ્લાહના દક્ષિણી મોરચામાં તૈનાત 'મુખ્ય આતંકવાદી' તરીકે વર્ણવ્યું હતું, જે સમગ્ર દક્ષિણ લેબનોનમાં સંગઠનની પ્રવૃત્તિઓ માટે જવાબદાર છે.

સંઘર્ષ ત્યારે શરૂ થયો જ્યારે હિઝબુલ્લાહે 28 જુલાઈના રોજ ઈઝરાયેલના કબજા હેઠળના ગોલાન હાઈટ્સ વિસ્તારમાં ફૂટબોલ મેદાન પર રોકેટ હુમલો કર્યો, જેમાં 12 બાળકો માર્યા ગયા. આ હુમલા બાદ ઈઝરાયલે હમાસની જેમ હિઝબુલ્લાહને પાઠ ભણાવવાની પ્રતિજ્ઞા લીધી હતી. આ રોકેટ હુમલાના બે દિવસ પછી, 30 જુલાઈના રોજ, ઇઝરાયેલે લેબનોનની રાજધાની બેરૂતમાં જોરદાર હવાઈ હુમલો કર્યો, જેમાં હિઝબુલ્લાહનો ટોચનો કમાન્ડર ફૌદ શુકર માર્યો ગયો. ગોલાન હાઇટ્સ ફૂટબોલ મેદાન પર રોકેટ હુમલા માટે ઇઝરાયલે શુકરને જવાબદાર ગણાવ્યો હતો.