સમુદ્રની મધ્યમાં રહે છે આ લોકો, ભાગ્યે જ જોવા મળે છે જમીન પર, જાણો તેની પાછળનું કારણ

જો તમે ક્યારેય ઊંડા પાણીમાં ફસાઈ જાવ, તો તમે તમારા શ્વાસને લાંબા સમય સુધી નહીં રોકી શકો, પરંતુ શું તમે એવા સમુદાય વિશે જાણો છો જે લાંબા સમય સુધી પાણીમાં શ્વાસ રોકી શકે છે? આ લોકોએ સમુદ્રની અંદર પોતાનું ગામ વસાવ્યું છે. આ લોકો દરિયામાં 200 ફૂટ ઊંડે જઈ ખેતી પણ કરે છે. તેમના કારનામા એવા છે કે તેમને જાણીને તમને પણ આશ્ચર્ય થશે.

દરિયામાં રહેતા લોકોની દુનિયા

અમે વાત કરી રહ્યા છીએ બજાઉ સમુદાયની. ફિલિપાઈન્સની આસપાસના દરિયાઈ વિસ્તારોમાં રહેતો આ સમુદાય સમગ્ર વિશ્વ માટે અજાયબી બની ગયો છે. જેમના માટે રસ્તા, ઈન્ટરનેટ, મોબાઈલ જેવી આધુનિક વસ્તુઓનો કોઈ અર્થ નથી. આ સમુદાય આજે પણ પરંપરાગત જીવન જીવે છે.

વાસ્તવમાં બજાઉ સમુદાય એક આદિજાતિ છે. પોતાનું ગુજરાન ચલાવવા માટે, આ લોકો સી ફૂડની શોધમાં સમુદ્રના તળિયા સુધી જાય છે. આ જાતિના લોકો જમીન પર ભાગ્યે જ જોવા મળે છે અને હંમેશા પાણીની અંદર રહેવાનું પસંદ કરે છે. આ લોકો વિશે એવું કહેવામાં આવે છે કે ફિલિપાઈન્સના લોકોએ તેમને ઘણા વર્ષો પહેલા તેમની જમીનમાંથી ભગાડી દીધા હતા. જે બાદ તેમણે સમુદ્ર પર જ પોતાનું ગામ વસાવ્યું. આ લોકોને સમુદ્રના બંજારા પણ કહેવામાં આવે છે.

બોટ પર જીવન પસાર કરે છે

આ લોકો વાંસથી બનેલા થાંભલાઓ પર ઉભા ઘરોમાં રહે છે. બંજારા સમાજના કેટલાક લોકો બોટ પર જીવન જીવે છે. તેમના બાળકો પણ બોટિંગ અને ફિશિંગમાં નિપુણતા ધરાવે છે. તેઓ દરિયાના ઊંડા પાણીમાં જઈને શિકાર કરે છે. આ દરમિયાન ખાસ વાત એ છે કે તેઓ આંખો ખુલ્લી રાખીને દરિયામાં શિકાર કરે છે. આ સમય દરમિયાન તેમની આંખો નાની ડોલ્ફિન જેવી દેખાય છે. એક સંશોધનમાં એવું પણ સામે આવ્યું છે કે તેમની રોગપ્રતિકારક શક્તિ જમીન પર રહેતા લોકો કરતા 50 ટકા વધુ મજબૂત છે.