મહાકુંભમાં આવતા નાગા સાધુઓ ભારે ઠંડીમાં પણ કેવી રીતે રહે છે નિર્વસ્ત્ર, જાણો તેની પાછળનું વિજ્ઞાન

પ્રયાગરાજમાં મહાકુંભ શરૂ થવા જઈ રહ્યો છે. દેશભરમાંથી ખૂણેખૂણેથી સાધુ સંતોએ અહીં જમાવટ કરી છે. જએ બાકી છે તે પણ 13 જાન્યુઆરી સુધીમાં પધરામણી કરશે. અહીં  સંતો અને ભક્તોનું ઘોડાપૂર ઉમટશે. શાહી સ્નાન કડકડતી ઠંડી વચ્ચે થશે અને દર વખતની જેમ આ વખતે પણ નાગા સાધુઓ મહાકુંભના કેન્દ્રમાં રહેશે.

ખરેખર, નાગા સાધુઓની દુનિયા પણ રહસ્યોથી ભરેલી છે. તેમને ફક્ત મહાકુંભમાં જ જોવા મળે છે અને પછી ધ્યાનમાં લીન થઈ જાય છે.

એવું કહેવાય છે કે મહાકુંભની શરૂઆત નાગા સાધુઓના શાહી સ્નાનથી થાય છે. બધા અખાડાના નાગા સાધુઓ ઢોલ-નગારા સાથે ભેગા થાય છે અને સંગમ કિનારે ડૂબકી લગાવે છે. નવાઈની વાત એ છે કે આ કડકડતી ઠંડીમાં જ્યાં હાડકાં પણ ધ્રૂજે છે અને આપણે હીટર સહિતની ઘણી બધી વ્યવસ્થા કરીએ છીએ, ત્યાં પણ નાગા સાધુઓ નગ્ન રહીને ધ્યાન કરે છે. તેમને ઠંડી કેમ નથી લાગતી? આ પાછળનું શું વિજ્ઞાન છે? આવો જાણીએ. 

આ પણ વાંચો : આ અબજોપતિની પત્ની મહાકુંભમાં સાધ્વી તરીકે રહેશે હાજર

કઠોર ધ્યાન દ્વારા મન પર નિયંત્રણ

કહેવાય છે કે સખત મહેનત અને તપસ્યા દ્વારા કંઈપણ પ્રાપ્ત કરી શકાય છે. સાધના દ્વારા આપણે મન પર નિયંત્રણ મેળવીએ છીએ, જે આપણને શારીરિક સુખ અને દુઃખ સહન કરવા માટે તૈયાર કરે છે. નાગા સાધુઓ નિયમિતપણે આ તપસ્યા અને ધ્યાનનો અભ્યાસ કરે છે અને તેમના મન અને શરીર પર નિયંત્રણ મેળવે છે. આ કારણે તેમને વધુ ઠંડી અને ગરમીનો અનુભવ થતો નથી.

નિયમિત યોગ

યોગ એ કોઈપણ તપસ્વીના જીવનનો એક અભિન્ન ભાગ છે. યોગ દ્વારા તેઓ પોતાના શરીરની ઉર્જા વધારે છે અને પરિસ્થિતિ અનુસાર પોતાના શરીરને અનુકૂળ બનાવે છે. નાગા સાધુઓ પણ નિયમિત યોગાભ્યાસ દ્વારા આ કરી શકે છે.

આ પણ વાંચો : મહાકુંભમાં આવતા આ સાધુઓનો ઇન્ટરવ્યુ હોય છે UPSC કરતા પણ વધુ મુશ્કેલ, કોણ છે  'ટાંગાટોડા'? 

શરીર પર રાખ

તમે નાગા સાધુઓને પોતાના શરીર પર રાખ લગાવતા જોયા હશે. શાસ્ત્રો અનુસાર, રાખને પવિત્ર માનવામાં આવે છે. એવું કહેવાય છે કે રાખ એ અંતિમ સત્ય છે અને શરીર એક દિવસ રાખમાં ફેરવાઈ જશે. નાગા સાધુઓનું માનવું છે કે રાખ તેમને નકારાત્મક ઉર્જાથી બચાવે છે. આ ઉપરાંત, વિજ્ઞાન માને છે કે શરીર પર રાખ લગાવવાથી શરદી થતી નથી. વ્યક્તિને ઠંડી અને ગરમીનો અનુભવ પણ થતો નથી. ખરેખર, તે ઇન્સ્યુલેટર તરીકે કામ કરે છે.