50 ઓવરમાં 44 ચોગ્ગા અને 29 છગ્ગા સાથે બનાવ્યા 564 ૨ન, આ ટીમે સૌથી મોટી જીત નોંધાવી રચ્યો ઈતિહાસ
છેલ્લું અપડેટ : 06 Oct 2025
T20 ફોર્મેટ આવ્યા પછી, ટેસ્ટ અને વનડે રમવાની રીત સંપૂર્ણપણે બદલાઈ ગઈ છે. હવે વનડેમાં પણ, ટીમો પ્રતિ ઓવર 10+ રન બનાવવાનું લક્ષ્ય રાખે છે, જેના કારણે 500 રનનો લક્ષ્યાંક હવે દૂર નથી રહ્યો અને હવે એક ટીમે આ આંકડો પાર કરી લીધો છે. આ મલેશિયન ટીમે 50 ઓવરમાં રેકોર્ડબ્રેક 564 રન બનાવ્યા, જેનાથી વનડે ઈતિહાસમાં સૌથી મોટી જીત હાંસલ કરવાનો રેકોર્ડ પણ બન્યો છે.
મલેશિયાની ટીમે 564 રન બનાવ્યા
મલેશિયામાં રમાઈ રહેલી મેન્સ અંડર-19 ક્રિકેટ ટુર્નામેન્ટમાં, સેલાંગોર ટીમે 50 ઓવરમાં 6 વિકેટ ગુમાવીને 564 રન બનાવ્યા. આ ઈનિંગમાં, ટીમે 44 ચોગ્ગા અને 29 છગ્ગા પણ ફટકાર્યા હતા. સેલાંગોર માટે એક બેટસમેને બેવડી સદી ફટકારી, જ્યારે અન્ય ત્રણ બેટ્સમેનોએ વિસ્ફોટક અડધી સદી ફટકારી. મોહમ્મદ અકરમે માત્ર 97 બોલમાં 217 રન બનાવ્યા, જેમાં તેણે 11 ચોગ્ગા અને 23 છગ્ગા ફટકાર્યા હતા. મોહમ્મદ અશરફ અને નગીનેશ્વર સાતનાકુમારને પણ વિસ્ફોટક અડધી સદી ફટકારી હતી. અબ્દુલ હૈઝાદ પણ અંતમાં આવીને 34 બોલમાં 65 રન બનાવીને ટીમને ઐતિહાસિક સ્કોર હાંસલ કરવામાં મદદ કરી હતી.
સેલાંગોરનો રેકોર્ડ તોડતો વિજય
આ વિશાળ સ્કોરનો પીછો કરતા, પુત્રાજયાની ટીમ ફક્ત 87 રનમાં ઓલઆઉટ થઈ ગઈ, જેના પરિણામે સેલાંગોરનો 477 રનની મોટી જીત મળી. આંતરરાષ્ટ્રીય ક્રિકેટમાં ફક્ત બે અન્ય ટીમો 477 રનના આંકને વટાવી શકી છે. અગાઉ, તમિલનાડુએ 2022માં અરુણાચલ પ્રદેશ સામે 2 વિકેટે 506 રન બનાવ્યા હતા. આંતરરાષ્ટ્રીય ક્રિકેટમાં સૌથી વધુ સ્કોર ઈંગ્લેન્ડ ક્રિકેટ ટીમનો છે. 2022માં, ઈંગ્લેન્ડની ટીમે નેધરલેન્ડ સામે 4 વિકેટ ગુમાવીને 498 રન બનાવ્યા હતા.
