T20 World Cup 2024 / આઠ ટીમો વચ્ચે થશે 12 મેચ, જાણો સુપર 8માં કોની મેચ ક્યારે રમાશે
T20 વર્લ્ડ કપ 2024ના સુપર 8 માટે તમામ આઠ ટીમો ફાઈનલ થઈ ગઈ છે. બાંગ્લાદેશ સુપર 8માં એન્ટ્રી લેનારી છેલ્લી ટીમ છે.
T20 વર્લ્ડ કપ 2024ના સુપર 8 માટે તમામ આઠ ટીમો ફાઈનલ થઈ ગઈ છે. બાંગ્લાદેશ સુપર 8માં એન્ટ્રી લેનારી છેલ્લી ટીમ છે. હવે આઠ ટીમો વચ્ચે કુલ 12 મેચ રમાશે. આ પછી T20 વર્લ્ડ કપની સેમી ફાઈનલ અને ફાઈનલ મેચોનું આયોજન કરવામાં આવશે. ભારત અને અમેરિકાની સાથે ઓસ્ટ્રેલિયા, ઈંગ્લેન્ડ, અફઘાનિસ્તાન, વેસ્ટ ઈન્ડિઝ, સાઉથ આફ્રિકા અને બાંગ્લાદેશની ટીમ સુપર 8 માટે ક્વોલિફાય થઈ છે.
સુપર 8ની મેચ 19 જૂનથી શરૂ થશે. પ્રથમ મેચ યુએસએ અને સાઉથ આફ્રિકા વચ્ચે રમાશે. ભારતની પ્રથમ મેચ અફઘાનિસ્તાન સામે છે. ભારત અને અફઘાનિસ્તાન વચ્ચે 20 જૂને મેચ રમાશે. સુપર 8 માટે 2 ગ્રુપ બનાવવામાં આવ્યા છે. દરેક ગ્રુપમાં 4 ટીમો છે. ભારત ગ્રુપ 1માં છે. તેમાં અફઘાનિસ્તાન, ઓસ્ટ્રેલિયા અને બાંગ્લાદેશ પણ છે. ઈંગ્લેન્ડ, વેસ્ટ ઈન્ડિઝ, યુએસએ અને સાઉથ આફ્રિકાને ગ્રુપ 2માં રાખવામાં આવ્યા છે.
ટીમ ઈન્ડિયા સુપર 8માં ત્રણ મેચ રમશે
ભારતની પ્રથમ મેચ અફઘાનિસ્તાન સામે છે. આ મેચ 20 જૂને બાર્બાડોસમાં રમાશે. આ પછી બીજી મેચ બાંગ્લાદેશ સામે થશે. ભારત અને બાંગ્લાદેશ વચ્ચે 22 જૂને એન્ટિગુઆમાં મેચ રમાશે. ટીમ ઈન્ડિયાની ત્રીજી મેચ સેન્ટ લુસિયામાં થશે. આ મેચ 24 જૂને ઓસ્ટ્રેલિયા સામે રમાશે.
T20 વર્લ્ડ કપ 2024ના સુપર 8નું શેડ્યૂલ
- જૂન 19: યુએસએ vs સાઉથ આફ્રિકા, નોર્થ સાઉન્ડ, એન્ટિગુઆ
- જૂન 19: ઈંગ્લેન્ડ vs વેસ્ટ ઈન્ડિઝ, ગ્રોસ આઈલેટ, સેન્ટ લુસિયા
- જૂન 20: અફઘાનિસ્તાન vs ભારત, બ્રિજટાઉન, બાર્બાડોસ
- જૂન 20: ઓસ્ટ્રેલિયા vs બાંગ્લાદેશ, નોર્થ સાઉન્ડ, એન્ટિગુઆ
- જૂન 21: ઈંગ્લેન્ડ vs સાઉથ આફ્રિકા, ગ્રોસ આઈલેટ, સેન્ટ લુસિયા
- જૂન 21: યુએસએ vs વેસ્ટ ઈન્ડિઝ, બ્રિજટાઉન, બાર્બાડોસ
- જૂન 22: ભારત vs બાંગ્લાદેશ, નોર્થ સાઉન્ડ, એન્ટિગુઆ
- જૂન 22: અફઘાનિસ્તાન vs ઓસ્ટ્રેલિયા, આર્નોસ વેલે, સેન્ટ વિન્સેન્ટ
- જૂન 23: યુએસએ vs ઈંગ્લેન્ડ, બ્રિજટાઉન, બાર્બાડોસ
- જૂન 23: વેસ્ટ ઈન્ડિઝ vs સાઉથ આફ્રિકા, નોર્થ સાઉન્ડ, એન્ટિગુઆ
- જૂન 24: ઓસ્ટ્રેલિયા vs ભારત, ગ્રોસ આઈલેટ, સેન્ટ લુસિયા
- જૂન 24: અફઘાનિસ્તાન vs બાંગ્લાદેશ, આર્નોસ વેલે, સેન્ટ વિન્સેન્ટ
