સૂર્યકુમાર યાદવ પાસે છે વિરાટ કોહલીની બરાબરી કરવાની તક, શું દિલ્હીમાં કરશે આ કારનામું?

સૂર્યકુમાર યાદવ હવે T20Iમાં ટીમ ઈન્ડિયાનો કેપ્ટન છે. કેપ્ટન બન્યા પછી પણ તેની બેટિંગ સ્ટાઇલમાં જરાય બદલાવ આવ્યો નથી. તે પહેલાની જેમ જ રીતે નિર્ભયપણે બેટિંગ કરે છે. સૂર્યકુમાર યાદવે ભલે ગ્વાલિયરમાં મોટી ઈનિંગ ન રમી હોય, પરંતુ તેની બેટિંગ સ્ટાઇલ શાનદાર રહી હતી. કદાચ આ જ કારણ છે કે સૂર્યકુમાર યાદવ એક રેકોર્ડમાં વિરાટ કોહલીની ખૂબ નજીક આવી ગયો છે. હવે સવાલ એ છે કે શું સૂર્યા દિલ્હી T20 મેચમાં બીજી મોટી ઇનિંગ રમી શકશે.

સૂર્યકુમાર યાદવ T20Iમાં 2500 રન પૂરા કરવાની નજીક 

વાસ્તવમાં, સૂર્યકુમાર યાદવે અત્યાર સુધીમાં 72 T20I મેચોની 69 ઈનિંગ્સમાં 2461 રન બનાવ્યા છે. એટલે કે તેને તેના 2500 રન પૂરા કરવા માટે માત્ર 39 રનની જરૂર છે. જે તે આગામી મેચમાં બનાવી શકે છે. જો આપણે વિરાટ કોહલીની વાત કરીએ તો જો કે તેણે T20Iમાં ચાર હજારથી વધુ રન બનાવ્યા છે, પરંતુ જ્યારે તેણે આ ફોર્મેટમાં 2500 રન પૂરા કર્યા ત્યારે તેણે 73 મેચ રમી હતી.

વિરાટ કોહલીની બરાબરી કરવાની તક

જો સૂર્યકુમાર યાદવ દિલ્હીના અરુણ જેટલી સ્ટેડિયમમાં વધુ 39 રન બનાવે છે, તો તે વિરાટ કોહલી જેટલી જ મેચ રમીને 2500 રન બનાવી શકે છે. વિરાટ કોહલી પહેલા પણ ઘણા ખેલાડીઓ આ ફોર્મેટમાં 2500 રન બનાવી ચૂક્યા છે, પરંતુ જો ભારતીય બેટ્સમેનોની વાત કરીએ તો કોહલી નંબર વન પર છે. હવે સૂર્યા પાસે તેની બરાબરી કરવાની મોટી તક છે. હવે તે જોવું રસપ્રદ રહેશે કે તે તેનો લાભ ઉઠાવે છે કે ચૂકી જાય છે.

ગ્વાલિયરમાં વિસ્ફોટક ઈનિંગ રમી હતી

સૂર્યકુમાર યાદવે બાંગ્લાદેશ સામેની T20 સિરીઝની પ્રથમ મેચમાં વિસ્ફોટક ઈનિંગ રમી હતી. તેણે માત્ર 14 બોલમાં 29 રન બનાવ્યા હત. આ દરમિયાન ટેને ત્રણ છગ્ગા અને બે ચોગ્ગા ફટકાર્યા હતા. ફરી એકવાર ફેન્સ સૂર્યા પાસેથી આવી જ વિસ્ફોટક ઈનિંગની અપેક્ષા રાખશે. જોકે, આ વખતે તેણે મોટી ઈનિંગ રમવાની જરૂર છે જેથી તે વિરાટ કોહલીની બરાબરી કરી શકે.