NZ vs IND 1st ODI : ભારતે જીત્યો ટોસ, પહેલાં બોલિંગ કરવાનો લીધો નિર્ણય, આવી છે પ્લેઇંગ XI

ભારતના કેપ્ટન શુભમન ગિલે ઓકલેન્ડમાં રમાઈ રહેલી શ્રેણીની પહેલી વનડેમાં ટોસ જીતી લીધો છે. ટોસ જીતીને તેમણે પહેલાં બોલિંગ કરવાનો નિર્ણય કર્યો છે. વરસાદની શક્યતા છે અને આ જ કારણસર ગિલે પહેલાં બોલિંગ પસંદ કરી છે. આ ન્યુઝીલેન્ડ પ્રવાસ પર ભારતે 6 મેચમાં અત્યાર સુધીમાં 5 ટોસ જીત્યા છે.

ભારતની પ્લેઇંગ ઇલેવન

રોહિત શર્મા, શુભમન ગિલ (કેપ્ટન), વિરાટ કોહલી, શ્રેયસ અય્યર, કે.એલ. રાહુલ, અક્ષર પટેલ, નમન ધીર, અંશુલ કંબોજ, ગુરનૂર બ્રાર, અર્શદીપ સિંહ, આકિબ નબી

રોહિત અને વિરાટ મેદાન પર હશે

ભારતીય ક્રિકેટના બે મોટા સુપરસ્ટાર વિરાટ કોહલી અને રોહિત શર્મા મેદાન પર જોવા મળશે. બંનેએ છેલ્લી વાર વેસ્ટ ઈન્ડિઝ સામે શ્રેણી રમી હતી. તેમાં બંનેના બેટથી સદી ફટકાઈ હતી. રોહિત 39 વર્ષના થઈ ચૂક્યા છે, તો 5 નવેમ્બરે વિરાટ 38 વર્ષના થઈ જશે. બંને માત્ર વનડે જ રમે છે.

હેડ ટુ હેડમાં કેવો છે રેકોર્ડ?

ભારત અને ન્યુઝીલેન્ડ વચ્ચે વનડેમાં કાંટાની ટક્કર રહી છે. અત્યાર સુધી બંને ટીમો વચ્ચે 123 મુકાબલા થયા છે. તેમાં ભારતને 63 જ્યારે ન્યુઝીલેન્ડને 52 જીત મળી છે. 1 મેચ ટાઈ તો 7 બેનતીજા રહ્યા. જ્યારે ન્યુઝીલેન્ડમાં થયેલી 45 મેચોમાં ભારતને 14 જીત અને 26 હાર મળી છે.

શુભમન ગિલ માટે ન્યુઝીલેન્ડ છે ખાસ

ભારતીય વનડે ટીમના કેપ્ટન શુભમન ગિલ માટે ન્યુઝીલેન્ડની ધરતી અત્યંત ખાસ છે. તેમણે 2018માં ન્યુઝીલેન્ડમાં અંડર-19 વનડે વર્લ્ડ કપ જીત્યો હતો. 2019માં ગિલે ન્યુઝીલેન્ડમાં જ વનડે ડેબ્યૂ કર્યું હતું અને હવે 2026માં તેમની પાસે તક છે ન્યુઝીલેન્ડમાં વનડે શ્રેણી જીતનારા ત્રીજા ભારતીય કેપ્ટન બનવાની.