આયર્લેન્ડ સામેની સિરીઝ માટે ભારતે કરી ટીમની જાહેરાત, હરમનપ્રીત બહાર થઈ, મંધાના બની કેપ્ટન

ભારતીય મહિલા ટીમ 10 જાન્યુઆરીથી આયર્લેન્ડ સામે વનડે સિરીઝ રમશે. BCCIએ આ સિરીઝ માટે ટીમની જાહેરાત કરી છે. હરમનપ્રીત કૌર અને રેણુકા સિંહ ટીમ ઈન્ડિયાનો ભાગ નથી. સ્મૃતિ મંધાનાને મોટી જવાબદારી સોંપવામાં આવી છે. મંધાના આયર્લેન્ડ સામેની વનડે સિરીઝમાં ટીમ ઈન્ડિયાની કેપ્ટન છે.

આ પણ વાંચો: BGT / ખરાબ બેટિંગથી લઈને કેપ્ટનશિપ સુધી, જાણો ઓસ્ટ્રેલિયામાં ભારતની હારના 5 કારણો

ભારત અને આયર્લેન્ડ વચ્ચે ત્રણ વનડે મેચ રમાવાની છે. આ તમામ મેચ રાજકોટમાં યોજાશે. મંધાના ભારતની કેપ્ટન રહેશે. તે એક અનુભવી ખેલાડી છે અને તેણે ઘણા મેચ શાનદાર પ્રદર્શન કર્યું છે. દીપ્તિ શર્માને ટીમ ઈન્ડિયાની વાઈસ કેપ્ટન બનાવવામાં આવી છે. આ સાથે પ્રતિકા રાવલ અને હરલીન દેઓલને પણ ટીમ ઈન્ડિયામાં સ્થાન મળ્યું છે. હરલીન દમદાર બેટિંગમાં નિષ્ણાત છે. તેણે તાજેતરમાં વેસ્ટ ઈન્ડિઝ સામે સદી ફટકારી હતી.

વનડે સિરીઝ માટે ટીમ ઈન્ડિયા કેટલી મજબૂત છે?

ભારતીય ટીમમાં અનુભવી ખેલાડીઓની સાથે યુવા ખેલાડીઓને પણ તક મળી છે. ઉમા છેત્રી, મિનુ મણિ, પ્રિયા મિશ્રા અને તનુજા કંવર ટીમનો ભાગ છે. આ સાથે જ અનુભવી વિકેટકીપર બેટ્સમેન રિચા ઘોષ, જેમિમાહ રોડ્રિગ્ઝ અને રાઘવી બિસ્તને પણ તક મળી છે. ભારતીય ટીમ એકદમ સંતુલિત દેખાઈ રહી છે. ટીમર તાજેતરમાં જ વેસ્ટ ઈન્ડિઝને વનડે શ્રેણીમાં 3-0થી હરાવ્યું હતું.

ભારતીય ટીમ

સ્મૃતિ મંધાના (કેપ્ટન), દીપ્તિ શર્મા (વાઈસ કેપ્ટન), પ્રતિકા રાવલ, હરલીન દેઓલ, જેમિમાહ રોડ્રિગ્સ, ઉમા છેત્રી (વિકેટકીપર), રિચા ઘોષ (વિકેટકીપર), તેજલ હસબનીસ, રાઘવી બિસ્ત, મિનુ મણિ, પ્રિયા મિશ્રા, તનુજા કંવર, તિતાસ સાધુ, સાયમા ઠાકોર, સયાલી સતઘરે.