ઓસ્ટ્રેલિયા સામે પહેલી ODI મેચ હાર્યું ભારત, હવે સિરીઝમાં બરાબર રહેવા ટીમ ઈન્ડિયાને બીજી મેચ જીતવી જરૂરી

ભારત અને ઓસ્ટ્રેલિયા વચ્ચે 3 ODI મેચોની સિરિઝની શરૂઆત આજે 19 ઓક્ટોબરથી થઈ ચૂકી છે. તેની પહેલી મેચ આજે પર્થમાં રમાઈ હતી, જે ભારત હારી ગયું છે. હવે ભારતે આ સિરિઝમાં ટકવા અને તેને બરાબર કરવા માટે આ સિરિઝની બીજી મેચ જીતવી આવશ્યક છે. ઓસ્ટ્રેલિયાને DLS પ્રમાણે 131 રનનો ટાર્ગેટ મળ્યો હતો, જે વરસાદના વિઘ્ન વિના આ ટીમે 3 વિકેટ ગુમાવીને હાંસિલ કરી લીધો હતો. ઓસ્ટ્રેલિયાની ટીમે 21.1 ઓવરમાં 7 વિકેટથી આ મેચ પોતાના નામે કરી સિરિઝમાં 1-0થી લીડ મેળવી છે. કેમ કે, ભારતીય ટીમ વરસાદના ઘણા વિઘ્ન વચ્ચે 26 ઓવરના અંતે માત્ર 137 રન જ બનાવી શકી હતી.