IND vs NZ / આ 5 ખેલાડીઓની મદદથી ભારતે ન્યુઝીલેન્ડ સામે વિજય મેળવ્યો, કિવીઝની 7 વર્ષની જીતનો સિલસિલો તોડ્યો

ભારતીય ટીમે રવિવારે પાંચમી ODIમાં ન્યુઝીલેન્ડને 22 રનથી હરાવીને સિરીઝ 3-1થી જીતી લીધી. આ સાથે ભારતે ઘરઆંગણે ન્યુઝીલેન્ડની જીતનો સિલસિલો અટકાવ્યો. પહેલા બેટિંગ કરતા ભારતે ફક્ત 210 રનનો ટાર્ગેટ આપ્યો હતો. જોકે, બોલર્સે ભારતને મેચમાં પાછું લાવ્યું અને સિરીઝ જીતમાં મુખ્ય ભૂમિકા ભજવી.

ન્યુઝીલેન્ડે છેલ્લે 2019માં ઘરઆંગણે ODI સિરીઝ ગુમાવી હતી. તે સમયે ભારતીય ટીમે ન્યુઝીલેન્ડને હરાવ્યું હતું. ત્યારથી ન્યુઝીલેન્ડે સતત 11 ODI સિરીઝ જીતી છે. જોકે, ભારતીય ખેલાડીઓએ કિવીઝનું શાસન સમાપ્ત કર્યું છે.

ભારતની જીતના હીરો

અર્શદીપ સિંહ

ભારતીય ફાટસ બોલર અર્શદીપ સિંહે પહેલા બેટથી ચાર બોલમાં 14 રન બનાવ્યા. ત્યારબાદ તેણે બોલથી શાનદાર પ્રદર્શન કર્યું. અર્શદીપે 30 રન આપીને ત્રણ વિકેટ લીધી. તેને તેના ઉત્કૃષ્ટ પ્રદર્શન માટે પ્લેયર ઓફ ધ મેચ જાહેર કરવામાં આવ્યો.

મોહમ્મદ સિરાજ

ભારતીય ફાસ્ટ બોલર મોહમ્મદ સિરાજે પણ ભારતની સિરીઝ જીતમાં મુખ્ય ભૂમિકા ભજવી હતી. સિરાજે 10 ઓવરમાં 50 રન આપીને બે વિકેટ લીધી હતી, જેમાં ખતરનાક ટિમ સાઈફર્ટ અને ફિન એલનને આઉટ કર્યા હતા.

અક્ષર પટેલ

ભારતીય સ્ટારે ઓલરાઉન્ડરની ભૂમિકા શાનદાર રીતે ભજવી હતી. ભારતને છેલ્લી બે વિકેટ લેવામાં થોડી મુશ્કેલી પડી રહી હતી. પરંતુ અક્ષરના આગમનથી મેચ ભારતના પક્ષમાં પલટાઈ ગઈ. તેણે છેલ્લી બે વિકેટ લીધી અને ભારતને સિરીઝ જીત અપાવી. અક્ષરે અગાઉ બેટથી 55 બોલમાં 46 રન બનાવ્યા હતા.

નમન ધીર

આ ભારતીય સ્ટારે પણ ઓલરાઉન્ડ પ્રદર્શન કર્યું. નમનએ બેટથી 22 રનનું યોગદાન આપ્યું. આ પછી તેણે મિચેલ સેન્ટનરના રૂપમાં ભારતને એક મહત્ત્વપૂર્ણ વિકેટ પણ અપાવી. સેન્ટનરે એક છેડે પોતાની હિંમત જાળવી રાખી, 24 રન બનાવ્યા. પરંતુ નમનએ તેને પવેલિયન મોકલીને ભારતની જીતમાં મોટી ભૂમિકા ભજવી.

ઈશાન કિશન

આજની મેચમાં ભારતીય વિકેટકીપર-બેટ્સમેન ઈશાન કિશનનું પણ મહત્ત્વનું યોગદાન હતું. તેણે 46 રન બનાવીને ભારતને 209 રનના સ્કોર સુધી પહોંચાડ્યું. તેણે પોતાની ઈનિંગમાં ત્રણ ચોગ્ગા અને બે છગ્ગા ફટકાર્યા હતા.