IND vs NZ / બીજી T20Iમાં પણ થશે રનનો વરસાદ કે બોલર્સનો રહેશે દબદબો? જાણો હેગલી ઓવલનો પિચ રિપોર્ટ
ભારત અને ન્યુઝીલેન્ડ આજે (24 ઓક્ટોબર) બીજી T20Iમાં આમને-સામને થશે. ભારતીય ટીમે સિરીઝની પહેલી મેચ જીતીને 1-0 થી લીડ મેળવી લીધી છે. હવે તે બીજી મેચ પણ જીતવા માટે પ્રયત્ન કરશે. બીજી બાજુ ન્યુઝીલેન્ડ, ઘરઆંગણે સિરીઝ બરાબર કરવા માટે પ્રયત્ન કરશે. બંને ટીમોની બેટિંગ કુશળતાને જોતાં ફરી એકવાર હાઈ સ્કોરિંગ સ્પર્ધા થવાની સંભાવના છે.
હેગલી ઓવલ ખાતે ફરી જોવા મળી શકે છે બેટ્સમેનોનો દબદબો
ક્રાઇસ્ટચર્ચનું હેગલી ઓવલ મેદાન બેટ્સમેનોને રન બનાવવા માટે સારી તકો આપે છે. આઉટફિલ્ડ ઝડપી છે, જેના કારણે ગેપમાં રમાયેલા શોટ બાઉન્ડ્રી સુધી પહોંચે છે. જોકે, નવો બોલ મેચની શરૂઆતમાં ઝડપી બોલર્સને થોડી મદદ પૂરી પાડી શકે છે. જેમ જેમ બોલ જૂનો થાય છે, તેમ તેમ બેટ્સમેનો માટે શોટ રમવાનું સરળ બનતું જાય છે.
વધુમાં, બીજી ઈનિંગમાં ઝાકળપણ મેચ પર અસર કરી શકે છે. ઝાકળ બોલર્સ માટે બોલને પકડવામાં મુશ્કેલી બનાવે છે, જ્યારે બેટ્સમેનોને તેમના શોટમાં મદદરૂપ થઈ શકે છે. આ પરિસ્થિતિમાં ટોસ મહત્ત્વપૂર્ણ ભૂમિકા ભજવી શકે છે. મેદાનની સ્થિતિ અને બંને ટીમોની બેટિંગ સ્ટાઇલ જોતાં, બીજી T20Iમાં પણ રનનો વરસાદ જોવા મળી શકે છે.
ભારતીય ટીમમાં ઘણા સ્ટાર ખેલાડીઓ છે
ભારતીય ટીમમાં અભિષેક શર્મા, સંજુ સેમસન, શ્રેયસ અય્યર અને નમન ધીર જેવા આક્રમક બેટ્સમેન છે. આ ખેલાડીઓ ઝડપથી સ્કોર કરવાની ક્ષમતા ધરાવે છે અને માત્ર થોડી ઓવરમાં મેચનો માર્ગ બદલી શકે છે. ન્યુઝીલેન્ડની બેટિંગ પણ ઓછી નથી. ગ્લેન ફિલિપ્સે પ્રથમ મેચમાં ભારતીય બોલર્સ સામે શાનદાર બેટિંગ કરી હતી. તેની સાથે ટિમ સાઈફર્ટ અને ફિન એલન જેવા બેટ્સમેન પણ ઝડપી સ્કોરિંગ માટે જાણીતા છે.
આનાથી બંને ટીમો વચ્ચે વધુ એક રોમાંચક સ્પર્ધા થઈ શકે છે. સિરીઝની પ્રથમ T20Iમાં ન્યુઝીલેન્ડે ભારત માટે 226 રનનો ટાર્ગેટ આપ્યો હતો. ભારતીય ટીમે આ ટાર્ગેટ 19.4 ઓવરમાં જ છ વિકેટ ગુમાવીને ચેઝ કરી લીધો હતો.
પહેલી મેચ જીત્યા બાદ ભારતીય ટીમ પાંચ મેચની સિરીઝમાં 1-0થી આગળ છે. હવે તે બીજી મેચ જીતીને પોતાની લીડ મજબૂત કરવાનો પ્રયાસ કરશે. દરમિયાન, ન્યુઝીલેન્ડ પોતાની ધરતી પર જીત સાથે સિરીઝ બરાબર કરવાનો પ્રયાસ કરશે. બંને ટીમોની તાકાતને જોતા બીજી T20Iમાં હાઈ સ્કોરિંગ મેચ અપેક્ષા રાખી શકાય છે.
