IND vs WI: લંચ બ્રેક સુધીમાં કેરેબિયનની અડધી ટીમ આઉટ, બાપુએ 3 વિકેટ ઝડપી

ભારત અને વેસ્ટ ઈન્ડિઝ વચ્ચે અમદાવાદના નરેન્દ્ર મોદી સ્ટેડિયમમાં પહેલી ટેસ્ટ મેચ રમાઇ રહી છે. જેનો આજે ત્રીજો દિવસ. આ મેચમાં લંચ બ્રેક સુધીમાં ભારતનો દબદબો રહ્યો છે. ભારતીય ટીમ શાનદાર પ્રદર્શન સાથે જીત તરફ ઝડપથી આગળ વધી રહી છે. ભારતે આપેલા 260 રનના વિશાળ લક્ષ્યનો પીછો કરતા વેસ્ટ ઈન્ડિઝની બીજી ઇનિંગમાં શરૂઆતમાં જ 5 વિકેટો પડી ગઈ છે. તેથી કેરેબિયન ટીમની મુશ્કેલી વધી ગઈ છે. તેમના હાથમાંથી પહેલી ટેસ્ટ મેચ સરકી શકે છે.

જાડેજાનો તરખાટ, વેસ્ટ ઈન્ડિઝની 5મી વિકેટ ઝડપી

મોદી સ્ટેડિયમમાં રવિન્દ્ર જાડેજા એટલે કે બાપુએ કેરેબિયન ટીમના બેટર્સને હંફાવ્યા હતા. બાપુએ લંચ બ્રેક સુધીમાં વેસ્ટ ઈન્ડિઝની 3 વિકેટ લીધી છે. બાપુએ પાંચમી અને પોતાની ત્રીજી વિકેટ ઝડપી હતી. જાડેજાએ શાઈ હોપને પોતાનો ત્રીજો સ્કોર બનાવતા તેને 1 રન પર ચાલતી પકડાવી હતી. બ્રેક સુધીમાં વેસ્ટ ઈન્ડિઝનો સ્કોર 5 વિકેટે 66 રને પહોંચ્યો હતો. ટીમ 220 રનથી પાછળ છે.

 વિશાળ લીડ બાદ વેસ્ટ ઈન્ડિઝ મુશ્કેલીમાં

વેસ્ટ ઈન્ડિઝની ટીમ પહેલી ઇનિંગમાં માત્ર 162 રન બનાવીને ઓલઆઉટ થઈ ગઈ હતી. તેના જવાબમાં ભારતીય ટીમે કે એલ રાહુલ, જુરેલ અને જાડેજાની શતકના આધારે 448 રનનો વિશાળ સ્કોર ખડકીને ઈનિંગ ડિક્લેર કરી હતી, અને વેસ્ટ ઈન્ડિઝને 260 રનની જંગી લીડ આપી હતી.