IND vs SA: ભારતની પ્રથમ ઇનિંગ્સ માત્ર 189 રનમાં સમેટાઈ ગઈ
છેલ્લું અપડેટ : 15 Nov 2025
કોલકાતામાં દક્ષિણ આફ્રિકા અને ભારત વચ્ચે ટેસ્ટ મેચ રમાઈ રહી છે, જેનો આજે બીજો દિવસ છે. ટેસ્ટની પ્રથમ ઇનિંગ્સમાં ભારતીય બેટિંગ લાઇનઅપનો ધબડકો થયો છે. ટીમ ઈન્ડિયા 62.2 ઓવરમાં માત્ર 189 રન બનાવીને ઓલઆઉટ થઈ ગઈ હતી. ભારતીય બેટ્સમેનો આફ્રિકન બોલરો, ખાસ કરીને સ્પિનર સિમોન હાર્મર અને ઝડપી બોલર માર્કો જેન્સન સામે સંઘર્ષ કરતા જોવા મળ્યા હતા.
દક્ષિણ આફ્રિકાનો બીજો દાવ
દક્ષિણ આફ્રિકાનો બીજો દાવ ચાલી રહ્યો છે. ટીમ ઈન્ડિયા પાસે હાલ ફક્રત 12 નની લીડ છે, જે બહુ ઓછી છે. સ્કોર 18/1 છે.
બેટ્સમેનો ટકી ના શક્યા
ભારત તરફથી માત્ર કેએલ રાહુલે જ સૌથી વધુ 39 રન બનાવ્યા, જેના માટે તેણે 119 બોલ રમ્યા હતા. અન્ય બેટ્સમેનો સારી શરૂઆતને મોટા સ્કોરમાં ફેરવી શક્યા નહીં. વોશિંગ્ટન સુંદરે 29 રન, જ્યારે ઋષભ પંત અને રવિન્દ્ર જાડેજાએ 27-27 રન બનાવ્યા હતા. ઋષભ પંતે 24 બોલમાં 2 ચોગ્ગા અને 2 છગ્ગા સાથે પોતાની ગેમ બતાવી, પરંતુ તે લાંબો સમય ટકી શક્યો નહીં. કેપ્ટન શુભમન ગિલ માત્ર 4 રન બનાવી 'રિટાયર્ડ આઉટ' થયો હતો, જે ટેસ્ટ ક્રિકેટમાં એક અસામાન્ય ઘટના છે.
આફ્રિકન બોલરોનો દબદબો
દક્ષિણ આફ્રિકા માટે ઓફ-સ્પિનર સિમોન હાર્મરે શાનદાર બોલિંગ કરી. તેણે 15.2 ઓવરમાં માત્ર 30 રન આપીને 4 મહત્વની વિકેટો ઝડપી. તેને ડાબોડી ઝડપી બોલર માર્કો જેન્સનનો સારો સાથ મળ્યો, જેણે 33 રન આપીને 3 વિકેટ પોતાના નામે કરી.
કેવી રીતે થઈ ઇનિંગ્સ ધરાશાયી?
ભારતનો સ્કોર એક સમયે 3 વિકેટે 109 રન હતો, પરંતુ ટોપ-સ્કોરર કેએલ રાહુલના આઉટ થયા બાદ ટીમનો ધબડકો શરૂ થયો. ભારતે તેની છેલ્લી 7 વિકેટ માત્ર 80 રનમાં ગુમાવી દીધી, જેણે ટીમને મોટા સ્કોર સુધી પહોંચતા અટકાવી. હવે આ મેચમાં બોલર્સ જ ભારતને વાપસી અપાવી શકે છે.