IND vs BAN: ચેમ્પિયન્સ ટ્રોફીમાં ભારતે પહેલી મેચ જીતી, બાંગ્લાદેશી ટીમની હાર

IND vs BAN: ICC ચેમ્પિયન્સ ટ્રોફી 2025માં ભારતીય ટીમે ગુરુવારે બાંગ્લાદેશ સામે પોતાની પહેલી મેચ રમી. દુબઈ ઈન્ટરનેશનલ ક્રિકેટ સ્ટેડિયમમાં રમાયેલી આ મેચમાં ભારતીય ટીમે 6 વિકેટથી જીત મેળવી હતી. મેચમાં બાંગ્લાદેશે 229 રનનો લક્ષ્યાંક આપ્યો હતો.

ICC ચેમ્પિયન્સ ટ્રોફી 2025માં, ભારતીય ટીમનો પહેલો મુકાબલો આજે (20 ફેબ્રુઆરી) બાંગ્લાદેશ સામે હતો. આ મેચ દુબઈ ઇન્ટરનેશનલ ક્રિકેટ સ્ટેડિયમમાં હતી. આ મેચમાં બાંગ્લાદેશી ટીમે ભારતને જીત માટે 229 રનનો લક્ષ્યાંક આપ્યો છે. લક્ષ્યનો પીછો કરતા ભારતીય ટીમે 4 વિકેટ ગુમાવ્યા બાદ 200 થી વધુ રન બનાવી લીધા છે. કેએલ રાહુલ અને શુભમન ગિલ ક્રીઝ પર છે. ગિલે 125 બોલમાં પોતાની સદી પૂરી કરી. આ તેની વનડેમાં સતત બીજી સદી છે. આ પહેલા તેણે ઇંગ્લેન્ડ સામેની શ્રેણીની છેલ્લી મેચમાં 112 રનની ઇનિંગ રમી હતી.

ગિલે સદી ફટકારી, ભારત જીત્યું

શુભમન ગિલે 125 બોલમાં પોતાની સદી પૂરી કરી, જે ICC ઇવેન્ટમાં તેની પહેલી સદી હતી. આ સદીના કારણે ભારતે 6 વિકેટે જીત મેળવી. બાંગ્લાદેશની ટીમ ગ્રુપ A માં ત્રીજા સ્થાને છે. ભારત બીજા ક્રમે, ન્યુઝીલેન્ડ પહેલા ક્રમે અને પાકિસ્તાન ચોથા ક્રમે છે.

આ મેચ વિશે વાત કરીએ તો બાંગ્લાદેશ ટીમના કેપ્ટન નઝમુલ હુસૈન શાંતોએ ટોસ જીતીને બેટિંગ પસંદ કરી. જોકે, ટીમને સારી શરૂઆત મળી ન હતી. ૩૫ રનમાં ૫ વિકેટ પડી ગઈ હતી. એક સમયે બાંગ્લાદેશ માટે 125 રન બનાવવા પણ મુશ્કેલ લાગતું હતું પરંતુ ઝાકિર અલી અને તૌહીદ હૃદયોયે 154 રનની ભાગીદારી કરીને બાંગ્લાદેશને મેચમાં પાછું લાવ્યું. ઝાકિર અલી 68 રન બનાવીને આઉટ થયો હતો, પરંતુ તૌહીદ હૃદયોયે સદી ફટકારીને ટીમને સારી સ્થિતિમાં પહોંચાડી હતી.

બાંગ્લાદેશની ટીમે 49.4 ઓવરમાં તમામ વિકેટ ગુમાવીને 228 રન બનાવ્યા હતા. ભારત તરફથી મોહમ્મદ શમીએ પાંચ વિકેટ લીધી, જ્યારે હર્ષિત રાણાએ ત્રણ વિકેટ અને અક્ષર પટેલે એક જ ઓવરમાં બે વિકેટ લીધી. તે જ સમયે, 229 રનના લક્ષ્યાંકના જવાબમાં કેપ્ટન રોહિત શર્માએ શુભમન ગિલ સાથે મળીને ભારતને તોફાની શરૂઆત અપાવી. રોહિત શર્મા 36 બોલમાં 41 રન બનાવીને આઉટ થયો હતો. તે સમયે સ્કોર 70ની નજીક હતો. આ પછી શુભમન ગિલ અને વિરાટ કોહલી વચ્ચે એક નાની ભાગીદારી થઈ. આ દરમિયાન વિરાટ કોહલી 22 રન બનાવીને આઉટ થયો હતો.

શુભમન ગિલ એક છેડે અડગ રહ્યો. તેણે શ્રેયસ ઐયર (15) અને અક્ષર પટેલ (8) સાથે કેટલાક રન ઉમેર્યા. જોકે, કેએલ રાહુલ સાથેની તેની ભાગીદારીએ મેચ જીતી લીધી. શુભમન ગિલે 125 બોલમાં પોતાની સદી પૂરી કરી. કેએલ રાહુલે અંત સુધી તેમનો સાથ આપ્યો. જોકે, કેએલ રાહુલનો કેચ ઝાકિર અલીએ છોડી દીધો, જે બાંગ્લાદેશ માટે મોંઘો સાબિત થયો. ભારતે આ લક્ષ્ય 46.3 ઓવરમાં 4 વિકેટ ગુમાવીને હાંસલ કર્યું અને ગ્રુપ Aમાં બીજું સ્થાન મેળવ્યું.