VIDEO: દીપક ચહરના બેટ ચોરાઈ ગયા, લાખો રૂપિયાનું થયું નુકસાન; સોશિયલ મીડિયા પર પોસ્ટ શેર કરી જણાવ્યું
છેલ્લું અપડેટ : 29 Sept 2026
ભારતીય ક્રિકેટર દીપક ચહર સાથે તાજેતરમાં એક ચોંકાવનારો બનાવ બન્યો છે. તેણે તાજેતરમાં સોશિયલ મીડિયા પર એક વીડિયો પોસ્ટ કર્યો, જેમાં ખુલાસો કર્યો છે કે તેના ત્રણ બેટ ચોરાઈ ગયા છે. ચહરના પિતા લોકેન્દ્ર ચહર ક્રિકેટ એકેડમી ચલાવે છે. ચહર ત્યાં પ્રેક્ટિસ કરવા ગયો હતો. તેણે પોતાની કીટ મૂકી અને પ્રેક્ટિસ શરૂ કરી. એક કલાક પછી, જ્યારે તે બેટિંગ પ્રેક્ટિસ માટે પોતાનું બેટ લેવા ગયો, ત્યારે તે ગાયબ હતું. ત્યારબાદ દીપકે ચોરને બેટ પરત કરવાની અપીલ કરતો એક વીડિયો પોસ્ટ કર્યો.
દીપક ચહરે તેના બેટની ચોરી વિશે શું કહ્યું?
દીપક ચહરે ઇન્સ્ટાગ્રામ પર એક વીડિયો પોસ્ટ કર્યો, જેમાં ખુલાસો કર્યો કે તેના ખાસ પ્લેયર એડિશન બેટ ચોરાઈ ગયા છે. તેણે કહ્યું કે ત્રણ બેટની કિંમત 1.5 લાખ રૂપિયા હતી. દીપકે કહ્યું, "ગઈકાલે સાંજે મારા પ્લેયર એડિશનના ત્રણ બેટ અહીંથી ચોરાઈ ગયા. તમને શું લાગે છે કે મારે શું કરવું જોઈએ? તે ખૂબ સારા બેટ હતા. જેણે પણ તે ચોર્યા છે તેને ખબર નથી કે તે કેટલા મોંઘા છે. આ ત્રણ બેટ હતા જેની કિંમત 1.5 લાખ રૂપિયા હતી."
દીપકે આગળ કહ્યું, "હવે તે ચોર કા તો બેટ વેચશે અથવા ટેનિસ બોલથી રમશે. ભાઈ, મારી પાસેથી થોડા પૈસા લઈ શક્યો હોત. મારી પાસે અત્યારે ઘણા વિકલ્પો છે. હું પોલીસ, યોગીજી, અથવા મોદીજી પાસે જઈ શકું છું. હું સીધા ભગવાનને વિનંતી કરી શકું છું કે જેણે મારા બેટ ચોર્યા છે તેને બુદ્ધિ આપે જેથી તેઓ તેમને પાછા આપી શકે. હું તેને પૈસા આપીશ, અથવા હું SSને વધુ બેટ મેળવવા વિનંતી કરી શકું છું."
દીપક ચહર IPLમાં મુંબઈ ઈન્ડિયન્સનો ભાગ છે
દીપક ચહર ભારત માટે 28 આંતરરાષ્ટ્રીય મેચ રમ્યો છે અને કુલ 47 વિકેટ લીધી છે. જોકે, વારંવાર થતી ઈજાઓને કારણે તેની કારકિર્દી પર બ્મરેક લાગ્યો છે. તે છેલ્લે ડિસેમ્બર 2023માં ભારતીય ટીમ માટે રમ્યો હતો. જોકે, દીપક ઈન્ડિયન પ્રીમિયર લીગમાં નિયમિત ભાગ લઇ રહ્યો છે. તે છેલ્લી બે સિઝનથી મુંબઈ ઈન્ડિયન્સ ટીમનો ભાગ રહ્યો છે.
ગઈ સિઝનમાં તેણે મુંબઈ ઈન્ડિયન્સ માટે 8 મેચમાં 8 વિકેટ લીધી હતી. તે સ્થાનિક ક્રિકેટમાં રાજસ્થાન માટે રમે છે. દીપક 34 વર્ષનો છે, પરંતુ જો તે પોતાની બોલિંગ પર કામ કરે અને આગામી IPL સિઝનમાં વિકેટ લે, તો તે ભારતીય T20I ટીમમાં પાછો ફરી શકે છે.