Vastu Tips: ભોજન કરતી વખતે થાળીમાં એકસાથે ૩ રોટલી પીરસવી કેમ અશુભ ગણાય? જાણી લો વાસ્તુનો આ નિયમ  

Vastu Tips For Roti: વાસ્તુશાસ્ત્રમાં ભોજન સાથે સબંધિત નિયમોમાં દિશા, ઉર્જા અને સંતુલનને સૌથી વધુ મહત્વ આપવામાં આવે છે. વાસ્તુના દ્રષ્ટિકોણથી ભોજન એ માત્ર શરીર ચલાવવાનું સાધન નથી, પરંતુ તે આપણા ઘરમાં સકારાત્મક ઉર્જા અને સમૃદ્ધિનો મુખ્ય સ્ત્રોત છે.

પરંતુ શું તમે જાણો છો કે આ જ ત્રણ નંબર સનાતન ધર્મમાં શુભ અને પવિત્ર માનવામાં આવે છે. કારણ કે નંબર 3 એટલે ત્રિદેવ. ત્રિદેવ (બ્રહ્મા, વિષ્ણુ, મહેશ), ત્રિલોક (આકાશ, પાતાળ, પૃથ્વી), અને ત્રણ ગુણ (સત્વ, રજ, તમ) પૂજા-પાઠ અને શુભ કાર્યોમાં દરેક સ્થાને આ સંખ્યાનું વિશેષ મહત્વ છે. પરંતુ જ્યારે વાત ખાવાની આવે છે તો જમવાની થાળીમાં એકસાથે ત્રણ રોટલી પીરસવી એ અશુભ માનવામાં આવે છે. આખરે આવું કેમ છે અને વાસ્તુશાસ્ત્રમાં 3 રોટલી પીરસવાનો શું નિયમ છે. ચાલો જાણીએ.

વાસ્તુશાસ્ત્રમાં 3 નંબર અશુભ છે

ધાર્મિક માન્યતાઓ પ્રમાણે જ્યારે કોઈ વ્યક્તિનું મૃત્યુ થાય છે, ત્યારે તેમના ત્રીજા સંસ્કાર (તિરાહી અથવા ત્રયોદશી પહેલાની વિધિ) દરમિયાન મૃતકની આત્માની શાંતિ માટે જે ભોગ કાઢવામાં આવે છે, તેમાં ત્રણ રોટલી અથવા પિંડ રાખવામાં આવે છે.

- થાળીમાં ત્રણ રોટલી રાખવી એ મૃતકના ભોજનનું પ્રતીક માનવામાં આવે છે.

- એવી માન્યતા છે કે જો કોઈ જીવિત વ્યક્તિની થાળીમાં એક સાથે ત્રણ રોટલી પીરસવામાં આવે તો તેનામાં નકારાત્મક ઉર્જા અથવા અજય ભાવ આવી શકે છે.

બરકતમાં ઘટાડો

ભોજનની થાળીને માતા અન્નપૂર્ણા અને દેવી લક્ષ્મીનું સ્વરૂપ માનવામાં આવે છે. વાસ્તુના નિયમો પ્રમાણે ભોજન હંમેશા સન્માન સાથે અને યોગ્ય રીતે પીરસવું જોઈએ. એકસાથે 3 રોટલી પીરસવી એ અપૂર્ણતા અથવા અસંયમનું પ્રતીક માનવામાં આવે છે. આનાથી ઘરની સુખ-સમૃદ્ધિ અને બરકતમાં અવરોધ આવે છે અને આર્થિક સંકટનો સામનો કરવો પડી શકે છે.
ઉર્જાનું સંતુલન

વાસ્તુશાસ્ત્ર પ્રમાણે નંબર 3 અગ્નિ તત્વ સાથે જોડાયેલો છે. જ્યારે તમે થાળીમાં ત્રણ રોટલી એકસાથે રાખો છો, તો તે ખોરાકની ઊર્જામાં એક પ્રકારનું અસંતુલન પેદા કરે છે. નંબર ત્રણ એટલે કે પ્લેટમાં અગ્નિ તત્વ અચાનક વધી જાય છે.

એવું માનવામાં આવે છે કે, આ પ્રકારનું ભોજન કરનાર વ્યક્તિના સ્વભાવમાં ગુસ્સો, ચીડિયાપણું અને માનસિક અશાંતિ વધી શકે છે. તે પરિવારના સભ્યો વચ્ચે મતભેદનું કારણ પણ બની શકે છે.

ભોજન સાથે સબંધિત અન્ય વાસ્તુ નિયમ

દિશાનું ધ્યાન

ભોજન હંમેશા પૂર્વ કે ઉત્તર તરફ મુખ કરીને કરવું જોઈએ. તેનાથી શરીરને સકારાત્મક ઉર્જા મળે છે.

જમ્યા પછી થાળીમાં ક્યારેય હાથ ન ધોવા

જમ્યા પછી થાળીમાં ક્યારેય હાથ ન ધોવા જોઈએ અને જૂઠી થાળીને ડાઈનિંગ ટેબલ કે બેસવાની જગ્યા પર લાંબો સમય સુધી રાખવી જોઈએ નહીં. આ કારણે રાહુનો દોષ વધે છે.

સંખ્યાનું સંતુલન

જો કોઈને 2 રોટલી પીરસવી જ હોઈ, તો હંમેશા પહેલા 2 રોટલી પીરસો અને બાદમાં ત્રીજી રોટલી અલગથી લાવીને થાળીમાં પીરસો.