અહીં પડ્યું હતું માતા સતીનું માથું, 7 સાપ કરે છે માતાની રક્ષા, દર્શન માત્રથી પૂરી થાય છે મનોકામનાઓ

હિન્દુ ધર્મમાં અનેક દેવી-દેવતાઓની પૂજા કરવામાં આવે છે. બધા દેવી-દેવતાઓના નામનું વિશેષ મહત્ત્વ છે. એવી જ રીતે લોકો મનસા દેવીની ભક્તિ અને ભક્તિભાવથી પૂજા કરે છે. પંચકુલામાં સ્થિત માતા મનસા દેવીનું મંદિર 51 શક્તિપીઠોમાંથી એક છે.

હરિદ્વારથી લગભગ ત્રણ કિલોમીટરના અંતરે શિવાલિકની પહાડીઓ પર આવેલા બિલવા પર્વતમાં માતા મનસા દેવીનું પ્રસિદ્ધ મંદિર છે. આ પ્રાચીન મંદિર ઐતિહાસિક દૃષ્ટિએ ખૂબ ખાસ છે. કારણ કે, આ એ જ જગ્યા છે જ્યાં માતા સતીનું માથું પડ્યું હતું. એવું માનવામાં આવે છે કે, જે પણ વ્યક્તિ સાચા મનથી માતાના દરબારમાં આવે છે, માતા તેની મનોકામના ચોક્કસપણે પૂરી કરે છે.

હરિદ્વારનું મનસા દેવી મંદિર એ ચાર સ્થળોમાંથી એક છે જ્યાં અમૃતના ટીપા પડ્યા હતા. હરિદ્વાર ઉપરાંત ઉજ્જૈન, નાસિક અને પ્રયાગ એવા સ્થળો છે જ્યાં અમૃતના ટીપા પડ્યા હતા. દંતકથા અનુસાર,  અવકાશી પક્ષી દ્વારા અમરત્વનું અમૃત લઈ જતી વખતે ભૂલથી એક ઘડામાં પડી ગયું હતું.

મનસા દેવી સાપ અને કમળ પર બિરાજમાન છે. સાપ પર બિરાજમાન હવાને કારણે તેમને સરપોની દેવી પણ કહેવામાં આવે છે. એવું માનવામાં આવે છે કે, માતાની સુરક્ષામાં 7 સાપ હંમેશા હાજર રહે છે. લોકવાયકાઓ અનુસાર, લોકો સર્પદંશની સારવાર માટે પણ મનસા દેવીની પૂજા કરે છે. માતાના ખોળામાં તેમનો દીકરો આસ્તિક બિરાજમાન છે. કહેવાય છે કે, મનસાનું એક નામ વાસુકી પણ છે.

મનસા દેવીના નામનો અર્થ થાય છે મનની ઈચ્છાઓ પૂરી કરનાર. મનસા દેવીના દર્શન માટે દરરોજ અનેક ભક્તો આવતા હોય છે. મંદિર પરિસરમાં સ્થિત વૃક્ષ પર દોરી બાંધવાની પરંપરા છે.  આ મંદિરમાં આવનારા લોકો પોતાની મનોકામના પૂર્ણ કરવા માટે મંદિર પરિસરમાં સ્થિત ઝાડની ડાળખી પર દોરો બાંધે છે. એકવાર તેમની ઇચ્છાઓ પૂરી થઈ જાય છે તો લોકો ઝાડમાં બાંધેલો દોરો ખોલવા માટે ફરીથી આ મંદિરમાં આવે છે.

નોંધ:-   આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.