સર્વપિતૃ અમાસ પર આ શુભ મુહૂર્તમાં કરો તર્પણ, પિતૃઓ થશે પ્રસન્ન

દર વર્ષે શ્રાદ્ધ પક્ષ દરમિયાન પિતૃઓનું તર્પણ કરવામાં આવે છે. પંચાંગ અનુસાર, 2024માં શ્રાદ્ધ પક્ષ ભાદરવા મહિનાની પૂનમના દિવસે 17 સપ્ટેમ્બરથી શરૂ થયો હતો અને 2જી ઓક્ટોબર એટલે કે આસો મહિનાની અમાસ સુધી ચાલુ રહેશે. આસો માસની અમાસને સર્વપિતૃ અમાસ પણ કહેવાય છે. સર્વપિતૃ અમાસના દિવસે તર્પણ, શ્રાદ્ધ, પિંડ દાન વગેરે કરવા જોઈએ. આ ધાર્મિક વિધિ દિવંગત પૂર્વજોની આત્માની શાંતિ માટે કરવામાં આવે છે. એવું માનવામાં આવે છે કે આ મહાન વિધિ વિના પૂર્વજોની આત્માઓને શાંતિ મળતી નથી. તેથી દર વર્ષે પિતૃપક્ષ દરમિયાન લોકો શ્રદ્ધાપૂર્વક શ્રાદ્ધ પૂજા કરે છે. અહીં જાણો સર્વપિતૃ અમાસની ચોક્કસ તારીખ, શુભ સમય અને તર્પણની વિધિ.

સર્વપિતૃ અમાસ ક્યારે છે?

વૈદિક પંચાંગ મુજબ, આસો મહિનામાં આવતી કૃષ્ણ પક્ષની આ અમાસ તિથિ 1 ઓક્ટોબર 2024ના રોજ સવારે 9:34 વાગ્યે શરૂ થશે અને 2 ઓક્ટોબર 2024ના રોજ સવારે 24:18 વાગ્યે સમાપ્ત થશે. ઉદયતિથિ અનુસાર 2જી ઓક્ટોબરે અમાસની પૂજા થશે. આ દિવસે કુતુપ મુહૂર્ત સવારે 11:45 થી બપોરે 12:24 સુધી છે. ત્યારબાદ રોહીન મુહૂર્ત બપોરે 12:34 થી 1:34 સુધી રહેશે.

કુતુપ અને રોહીન મુહૂર્ત સિવાય બપોરે તર્પણ કરવું પણ શુભ માનવામાં આવે છે. ખરેખર તર્પણ પૂજા બપોરે જ થાય છે. જ્યોતિષના મતે બપોરના સમયે કરવામાં આવેલો તર્પણ પિતૃઓ દ્વારા સ્વીકારવામાં આવે છે. સર્વપિતૃ અમાસમાં તર્પણનો શુભ સમય 2જી ઓક્ટોબરે બપોરે 1:21 થી 3:43 સુધીનો છે.

અમાસ પર કોનું શ્રાદ્ધ કરવામાં આવે છે?

સર્વપિતૃ અમાસના દિવસે તમામ પિતૃઓનું શ્રાદ્ધ કરવું શુભ હોય છે. જે લોકોની મૃત્યુની તિથિ ખબર નથી તેમનું શ્રાદ્ધ પણ સર્વપિતૃ અમાસના દિવસે કરી શકાય છે.

તર્પણ અર્પણ કરવાની વિધિ

• જ્યાં તમે તર્પણ કરવા જઈ રહ્યા છો તે જગ્યાને ગંગાના જળથી શુદ્ધ કરો.
• આ પછી દીવો પ્રગટાવો.
• તમારે જે વ્યક્તિનું તર્પણનું કરવું છે, તેનો ફોટો બાજોથ પર સ્થાપિત કરો.
• મંત્રોચ્ચાર કરીને પિતૃઓને આહ્વાન કરો.
• તમારા પૂર્વજોના નામ લેતા સમયે જળથી ભરેલું પાત્ર લો અને ફોટાની સામે જળ અર્પણ કરો.
• ઘી, દૂધ અને દહીંને એકસાથે ભેળવીને પછી તેને જળમાં ચઢાવો.
• આ દરમિયાન તર્પયામી મંત્રનો જાપ કરો.
• પૂર્વજોને તેમનું મનપસંદ ભોજન અર્પણ કરો.
• તમારા પૂર્વજોને શ્રદ્ધાંજલિ આપો.
• પ્રાણીઓ અને પક્ષીઓને ખોરાક આપો.
• અંતે તમારી ભક્તિ પ્રમાણે બ્રાહ્મણોને દાન આપો.

નોંધ:-   આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.