ક્રૂઝની મજા માણવા માટે વિદેશ જવાની જરૂર નથી, ભારતમાં જ લઈ શકો છો વાદળી સમુદ્રની મુલાકાત

શિયાળો શરૂ થઈ ગયો છે. ઘણા લોકો આ સમયે વેકેશન પ્લાન કરે છે. જો તમે પણ શિયાળાની આ રજાઓમાં કંઈક નવું અને સાહસિક કરવા ઈચ્છતા હોવ તો ક્રૂઝ સિવાય બીજો સારો ઓપ્શન શું હોઈ શકે. જો તમે પણ રજાઓમાં ક્રૂઝ પર જવા માંગતા હોવ તો ભારતમાં ઘણી સુંદર જગ્યાઓ છે જ્યાં તમે ક્રૂઝની મજા માણી શકો છો. આ તમારી સફરને પણ યાદગાર બનાવશે. આ સમય દરમિયાન, તમે ન માત્ર અદ્ભુત નજારા જોઈ શકશો, પરંતુ તમને લક્ઝરી અનુભવ પણ મળશે. ચાલો જાણીએ આ ખાસ જગ્યાઓ વિશે.

આ પણ વાંચો: Travel Tips / શિયાળામાં સ્વિત્ઝર્લેન્ડ બની જાય છે ભારતના આ સ્થળો, બજેટમાં માણો વિદેશી નજારા

કેરળ હાઉસબોટ્સ ક્રૂઝ

કેરળની સુંદરતા વિશે દરેક વ્યક્તિ જાણે છે. જ્યારે મોટાભાગના લોકો રજાઓ દરમિયાન મુસાફરી કરવાનું વિચારે છે, ત્યારે કેરળ પણ તેમની લિસ્ટમાં સામેલ હોય છે. આ સુંદર રાજ્ય તેના અનન્ય ભૌગોલિક સ્થાન, બેકવોટર, આકર્ષક કલા શૈલીઓ અને મસાલા માટે જાણીતું છે. જો તમે અહીંના સુંદર નજારા જોવા માંગતા હોવ તો તમે હાઉસબોટ ક્રૂઝ પર જઈ શકો છો. અલેપ્પીથી કુમારકોમ સુધીના પ્રવાસ દરમિયાન જોવા મળતા નારિયેળના વૃક્ષો અને હરિયાળી તમારું દિલ જીતી લેશે. આ સિવાય તમે લીલાછમ ગામડાઓ પણ જોઈ શકો છો.

ગોવાની મંડોવી રિવર ક્રૂઝ

ગોવાનું નામ સાંભળતા જ સૌથી પહેલા મનમાં જે વસ્તુ ક્લિક થાય છે તે છે પાર્ટી અને નાઈટલાઈફ. આ સ્થળ પાર્ટી, નાઈટલાઈફ અને સુંદર બિચ માટે પ્રખ્યાત છે. પાર્ટી સિવાય તમે અહીં અદ્ભુત ક્રૂઝની મજા પણ માણી શકો છો. ગોવામાં મંડોવી નદી પર ક્રૂઝ પર જવું તમારી સફરને વધુ યાદગાર બનાવશે. અહીં તમને સનસેટ ક્રૂઝ, ડિનર ક્રૂઝ અને પાર્ટી ક્રૂઝનો વિકલ્પ મળે છે.

આસામનું ડિબ્રુ-સૈખોવા રિવર ક્રૂઝ

તમે આસામમાં પણ ક્રૂઝની મજા માણી શકો છો. આસામમાં બ્રહ્મપુત્રા નદી પર ડિબ્રુ-સૈખોવા નેશનલ પાર્કની આસપાસની ક્રૂઝની સફર તમને પ્રકૃતિની નજીક લઈ જશે. તમે અહીં દુર્લભ પક્ષીઓ અને નદીમાં ડોલ્ફિન પણ જોઈ શકશો.

સુંદરબન ક્રૂઝ, પશ્ચિમ બંગાળ

પશ્ચિમ બંગાળમાં આવેલું સુંદરવન એક એવી જગ્યા છે જ્યાં તમે નદીઓ અને જંગલો વચ્ચે ક્રૂઝનો અદ્ભુત અનુભવ કરી શકો છો. આ સ્થળ પ્રકૃતિ પ્રેમીઓ માટે યોગ્ય છે. અહીં તમે વિશ્વના સૌથી મોટા મેન્ગ્રોવ ફોરેસ્ટ અને રોયલ બેંગાલ ટાઈગરને નજીકથી જોઈ શકો છો. નદીઓમાં તરતા મગર પણ તમારું ધ્યાન આકર્ષિત કરશે. અહીંનો અનુભવ ખૂબ જ ખાસ અને રોમાંચક છે.

આંદામાન નિકોબાર આઈલેન્ડ ક્રૂઝ

જો તમને પાણી ગમે છે અને તમે સમુદ્રની વચ્ચે લાંબી ક્રૂઝ ટ્રિપનો આનંદ માણવા માંગો છો, તો આંદામાન-નિકોબાર એક પરફેક્ટ ડેસ્ટિનેશન છે. ઘણા કપલ્સ અહીં તેમનું હનીમૂન મનાવવા આવે છે. અહીં તમે ક્રૂઝ દ્વારા પોર્ટ બ્લેર, હેવલોક અને નીલ ટાપુઓની સુંદરતા જોઈ શકો છો. અહીંનો વાદળી સમુદ્ર અને સ્વચ્છ બિચ તમને એક અલગ જ દુનિયામાં લઈ જશે.

ગંગા નદી ક્રૂઝ, વારાણસી

તમે ઉત્તર પ્રદેશમાં પણ ક્રૂઝની મજા માણી શકો છો. વારાણસીથી કોલકાતા સુધી ગંગા નદી પરની ક્રૂઝ ટ્રિપ તમને ઘાટ, મંદિરો અને ગ્રામીણ ભારતની ઝલક આપે છે.