આખો દિવસ ACમાં રહેવાથી તમારી સ્કિનને થઈ શકે છે નુકસાન, આ રીતે રાખો ત્વચાની સંભાળ

કાળઝાળ ગરમીથી બચવા માટે AC જ એકમાત્ર ઉપાય હોય તેવું લાગે છે. એટલા માટે લોકો દિવસભર તેમના ઘર અને ઓફિસમાં AC ચાલુ રાખે છે. તેની ઠંડી હવામાં આપણને ગરમીથી રાહત મળે છે, પરંતુ શું તમે જાણો છો કે તે તમારી ત્વચા માટે સારું નથી. તમને જણાવી દઈએ કે લાંબા સમય સુધી ACમાં રહેવાથી તમારી ત્વચા પર ઘણી વિપરીત અસરો થઈ શકે છે. પરંતુ AC વગર ગરમી વધુ પરેશાન કરી શકે છે, આવી સ્થિતિમાં લોકોના મનમાં સવાલ આવે છે કે એવું શું કરવું જોઈએ, જેના કારણે ACમાં પણ ત્વચાને ઓછામાં ઓછું નુકસાન થાય. ચાલો જાણીએ ACના કારણે ત્વચાને શું નુકસાન થઈ શકે છે અને તેનાથી કેવી રીતે બચી શકાય.

AC દ્વારા ત્વચાને થતું નુકસાન

સ્કિન ડ્રાય થવા લાગે છે

ACની હવામાં ભેજ નથી હોતો, જેના કારણે ત્વચાનું મોઈશ્ચર પણ ખતમ થવા લાગે છે. જેના કારણે તે ડ્રાય લાગે છે. હોઠ ફાટી શકે છે અને આંખોમાં ડ્રાયનેસની સમસ્યા પણ થઈ શકે છે. ડ્રાય સ્કિનને કારણે, તે એકદમ નિસ્તેજ દેખાય છે.

પ્રીમેચ્યોર એજિંગ

સ્કિનનું મોઈશ્ચર ઓછું થવાથી તે સ્કિનના બેરિયરને પણ નુકસાન થાય છે, જેના કારણે ત્વચા પર લાલાશ અને ખીલ પણ થઈ શકે છે. સ્કિનના બેરિયર ત્વસ્કિનના ટીશ્યુસને ટાઈટ રાખવામાં મદદ કરે છે. તેને નુકસાન પહોંચતા ત્વચા પર કરચલીઓ અને ફાઈન લાઈન્સ દેખાવા લાગે છે જેને પ્રીમેચ્યોર એજિંગ કહેવાય છે, એટલે કે ઉંમર પહેલા વૃદ્ધ દેખાવું.

ત્વચાના ટોક્સિન્સ બહાર નીકળી શકતા નથી

પરસેવો માત્ર શરીરનું તાપમાન સંતુલિત કરવાનું કામ નથી કરતો, પરંતુ તે શરીરમાંથી ટોક્સિન્સને પણ દૂર કરે છે. પરંતુ ACમાં રહેવાથી પરસેવો નથી વળતો, જેના કારણે ટોક્સિન્સ બહાર નથી નીકળી શકતા, જે ત્વચાને નુકસાન પહોંચાડે છે.

ત્વચાની સંવેદનશીલતા વધે છે

લાંબો સમય ACમાં રહેવાને કારણે સ્કિન ડ્રાય થઈ જાય છે અને તેના કારણે એલર્જી અને ઈન્ફેક્શનની શક્યતા વધી જાય છે. તેથી, ત્વચાની એલર્જી, બેક્ટેરિયલ ઈન્ફેક્શન અને ખીલ વગેરેનું જોખમ વધારે છે. જેના કારણે જે લોકો પહેલાથી જ ત્વચાની કોઈપણ સમસ્યાથી પીડિત છે તેમની સમસ્યાઓ વધી શકે છે. ઉદાહરણ તરીકે, સ્કિન ડ્રાયનેસને કારણે સોરોસિસ વધુ ગંભીર બની શકે છે.

ત્વચાનું કુદરતી તેલ ખતમ થવા લાગે છે

લાંબો સમય ACમાં રહેવાથી ત્વચાનું કુદરતી તેલ ખતમ થવા લાગે છે. ACમાં રહેવાથી ત્વચા ઓછું તેલ ઉત્પન્ન કરે છે. આના કારણે સ્કિન બેરિયરને પણ નુકસાન થાય છે અને ડ્રાયનેસની સમસ્યા વધે છે.

ACમાં ત્વચાની સંભાળ કેવી રીતે રાખશો?

હાઇડ્રેટેડ રહો

ACમાં સ્કિન ડ્રાય થઈ જાય છે. તેથી, તમારી જાતને અંદરથી હાઇડ્રેટેડ રાખો, જેથી ત્વચાને મોઈશ્ચર મળે. આ માટે પુષ્કળ પાણી પીવો. આ ઉપરાંત, તમે જ્યુસ, નારિયેળ પાણી, છાશ, લસ્સી વગેરે પણ પી શકો છો. તેનાથી શરીરને હાઇડ્રેશન પણ મળે છે.

મોઈશ્ચરાઈઝરનો ઉપયોગ કરો

લાંબો સમય ACમાં રહેવાથી ત્વચામાંથી મોઈશ્ચર દૂર કરે છે. તેથી, હંમેશા હાઇડ્રેટિંગ મોઈશ્ચરાઈઝરનો ઉપયોગ કરવો જોઈએ. તમે તમારી ત્વચા અનુસાર મોઈશ્ચરાઈઝર પસંદ કરી શકો છો. સેરામાઇડ્સ, હાયલ્યુરોનિક એસિડ અને પેપ્ટાઇડ્સ ધરાવતા મોઈશ્ચરાઈઝરનો ઉપયોગ કરવાનો પ્રયાસ કરો, જેથી સ્કિન બેરિયર પણ હેલ્ધી રહે.

ડાયટમાં સુધારો કરો

તમારા ડાયટમાં એવા ખોરાકનો સમાવેશ કરો, જે તમારી ત્વચા માટે ફાયદાકારક હોય, જેમ કે વિટામીન A, C અને E, તેમજ ઓમેગા-3 ફેટી એસિડ્સ પણ ત્વચા માટે ખૂબ જ મહત્ત્વપૂર્ણ છે. તેથી, તમારા ડાયટમાં આવા ખોરાકનો સમાવેશ કરો, જેથી ત્વચાને નુકસાન ઓછું થાય અને ત્વચા સ્વસ્થ રહે. ઉપરાંત, સ્કિન સેલના નુકસાનને રોકવામાં મદદ કરવા માટે ડાયટમાં એન્ટીઓકિસડન્ટોનો સમાવેશ કરો.

સ્કિન કેરમાં ફેરફાર કરો

ACને કારણે ત્વચાને નુકસાન ન થાય તે માટે, ખાસ સ્કિન કેર રૂટિનનું પાલન કરવું મહત્ત્વપૂર્ણ છે. આ માટે જેન્ટલ ક્લીંઝર, ટોનર, મોઈશ્ચરાઈઝર અને સનસ્ક્રીનનો ઉપયોગ કરો. એ જ રીતે, રાત્રે સૂતા પહેલા હાઇડ્રેટિંગ સીરમ અને બેરિયર રિપેર ક્રીમનો ઉપયોગ કરો.

હ્યુમિડિફાયરની મદદ લો

ACના કારણે હવામાં રહેલો ભેજ ઓછો થઈ જાય છે, જેના કારણે ત્વચાને નુકસાન થાય છે. તેથી, તમે હ્યુમિડિફાયરનો ઉપયોગ કરી શકો છો જેથી હવામાં ભેજ રહે અને સ્કિન ડ્રાયનેસની સમસ્યા ઓછી થાય.

જરૂર પડે ત્યારે જ ACનો ઉપયોગ કરો

બની શકે તો બે-ત્રણ કલાક પછી AC બંધ કરી દો. આ સમય દરમિયાન તમે પંખો અથવા કુલર ચલાવી શકો છો. આનાથી તમને ગરમી નહીં લાગે અને ACથી થતું નુકસાન પણ ઓછું થશે.