Navratri 2024 / નવરાત્રી પર ખૂબ જ સુંદર લાગશે તમારું ઘર, આ રીતે કરો સજાવટ

3 ઓક્ટોબર ગુરુવારથી નવરાત્રીનો તહેવાર શરૂ થઈ રહ્યો છે. આ તહેવાર આપણા બધા માટે ખૂબ જ ખાસ છે. હિંદુ ધર્મમાં નવરાત્રીનું વિશેષ મહત્ત્વ છે. 9 દિવસ સુધી ચાલનારા આ ઉત્સવ પર, માતા રાણીની પૂજા કરવામાં આવે છે. આ તહેવાર પહેલા ઘરની સફાઈ કરવામાં આવે છે. આ સાથે ઘરને શણગારવામાં પણ આવે છે.

નવરાત્રી દરમિયાન દરેક વ્યક્તિ ઈચ્છે છે કે તેમના ઘરની સજાવટ સારી હોય. તહેવારોની સિઝનમાં રંગીન વાતાવરણ ખૂબ જ પસંદ આવે છે. નવરાત્રીથી દિવાળીનો સમય ખૂબ જ ખાસ હોય છે. આવી સ્થિતિમાં ઘરની સજાવટ પણ ખાસ હોવી જોઈએ. ચાલો જાણીએ કે તહેવારોની સિઝનમાં ઘરનો લુક કેવી રીતે બદલવો.

ફૂલોની રંગોળી

નવરાત્રી દરમિયાન ઘરની સજાવટ માટે રંગોળી પણ કરી શકાય છે. નવરાત્રી પર, તમે તમારા ઘરને ટ્રેડીશનલ લુક આપવા માટે ફૂલ, પાંદડા અને ચોખાને કલર કરીને રંગોળી બનાવી શકો છો. સાંજના સમયે રંગોળીની સુંદરતા વધારવા માટે તેને ચારે બાજુ દીવા મૂકી શકો છો.

આધુનિક ટ્વિસ્ટ સાથે ટ્રેડીશનલ તોરણ

તોરણ અથવા દરવાજાના પડદાને શણગારનો મહત્ત્વનો ભાગ માનવામાં આવે છે. ખાસ કરીને તહેવારો દરમિયાન દરેક વ્યક્તિ ઘરને શણગાર માટે તોરણ લટકાવે છે. આવી સ્થિતિમાં તમારે એવા તોરણપસંદ કરવા જોઈએ જે ઘરને આધુનિક ટચ આપે. તમે શણ, ટેરાકોટા અથવા ચમકતા કાગળનો ઉપયોગ કરીને ઘરે પણ તોરણ બનાવી શકો છો.

દીવડાથી શણગારો

જો તમે ઈચ્છો તો ઘરને દીવડાથી પણ સજાવી શકો છો. આ માટે તમે બજારમાંથી વિવિધ પ્રકારના દીવડા ખરીદી શકો છો. આ સિવાય તમે કૃત્રિમ ફૂલો, છીપ અને મણકાની મદદથી દરવાજાને સજાવી શકો છો.

ફેરી લાઈટ્સ

ઘરની સજાવટ માટે ફેરી લાઈટ્સ પણ ખૂબ જ સારો વિકલ્પ છે. આ સાથે ઘરનો દેખાવ એકદમ અદ્ભુત લાગશે. તેમને ઘરના મંદિરની આસપાસ ગોઠવો. તમે ઘરના દરવાજા પર પણ ફેરી લાઈટ્સનો ઉપયોગ કરી શકો છો. તેનાથી તમારું ઘર ચમકદાર લાગશે.