વાળ અને ત્વચા પર જાદુની જેમ કામ કરે છે આ તેલ, જાણો તેનો ઉપયોગ કરવાની 3 રીતો

ગેરેનિયમ તેલ ત્વચા અને વાળ માટે જાદુની જેમ કામ કરે છે અને તેમને હંમેશા સ્વસ્થ રાખે છે. ગેરેનિયમમાં વૃદ્ધત્વની સમસ્યાઓને ઘટાડવાની અને ખાસ કરીને સ્કેલ્પના પીએચ લેવલને નિયંત્રિત કરવાગુણ હોય છે. જે વાળના સ્વાસ્થ્ય માટે ખૂબ જ ફાયદાકારક છે. તો ચાલો જાણીએ શું છે ગેરેનિયમ તેલ અને તેના ફાયદા અને વાળ માટે ઉપયોગ કરવાની રીતો.

ગેરેનિયમ તેલ શું છે?

ગેરેનિયમ અથવા પેલાર્ગોનિયમ ગ્રેવેઓલેન્સ એ દક્ષિણ આફ્રિકાનો મૂળ ફૂલોનો છોડ છે, જ્યાં તેની 240થી વધુ પ્રજાતિઓ જોવા મળે છે. આ ઔષધીય ગુણો ધરાવતો ગુલાબની સુગંધવાળો છોડ છે, જે તેના મૂળથી લઈને તેના ફૂલો સુધી વાળ સંબંધિત તમામ સમસ્યાઓને દૂર કરવામાં સક્ષમ છે. ગેરેનિયમ તેલ તેના ફૂલો, પાંદડા અને દાંડીમાંથી કાઢવામાં આવે છે. જેનો ઉપયોગ હજારો વર્ષોથી કરવામાં આવે છે. ગેરેનિયમ તેલ તેના અનેક કોસ્મેટિક ફાયદાઓને કારણે ખૂબ જ ફાયદાકારક માનવામાં આવે છે. તેમાં એન્ટિ-બેક્ટેરિયલ, એન્ટિ-ઇન્ફ્લેમેટરી, એન્ટિ-માઇક્રોબાયલ અને એન્ટિ-સેપ્ટિક ગુણધર્મો છે. જે ખંજવાળ, દુર્ગંધ અને વાળ ખરવા જેવી સમસ્યાઓને દૂર કરે છે અને વાળને મૂળમાંથી મજબૂતી પૂરી પાડે છે.

તેના ફાયદા શું છે?

• વાળના વિકાસમાં મદદરૂપ.
• માથામાં ખોડો અને ખંજવાળથી રાહત આપે છે.
• વાળ ખરતા અટકાવે છે.
• સ્કેલ્પના પીએચ લેવલને નિયંત્રિત કરે છે.

ઉપયોગની રીત

માલિશ કરો

માલિશ કરવા માટે ગેરેનિયમ તેલનો ઉપયોગ કરી શકાય છે. તેના માટે બે ચમચી નારિયેળના તેલમાં 6-7 ટીપાં ગેરેનિયમ તેલ મિક્સ કરો અને તેને તમારા વાળમાં મસાજ કરો અને અડધા કલાક સુધી રહેવા દો. હવે વાળને હળવા શેમ્પૂથી ધોઈ લો.

હેર સીરમ તરીકે

તેને બનાવવા માટે, એક બાઉલમાં એક ટેબલસ્પૂન અર્ગન ઓઈલ, બે ટેબલસ્પૂન એવોકાડો ઓઈલ, 8 ટીપા લવંડર ઓઈલ, 10 ટીપા વિટામિન ઈ અને 10 ટીપા ગેરેનિયમ ઓઈલ મિક્સ કરીને સ્પ્રે બોટલમાં રાખો. હેર સીરમ તૈયાર છે.

હેર કન્ડિશનર તરીકે

પાણીના નાના બાઉલમાં, એક ચમચી એપલ સાઈડર વિનેગર અને 10 ટીપા ગેરેનિયમ તેલ મિક્સ કરો અને સ્પ્રે બોટલમાં સ્ટોર કરો. વાળ ધોયા પછી તેને કન્ડિશનરની જેમ લગાવો અને 2થી 5 મિનિટ પછી સામાન્ય પાણીથી ધોઈ લો.