7 વર્ષની દીકરીની માતાએ શેર કરી શાનદાર પેરેન્ટિંગ ટિપ, જીદ્દી બાળકોથી પરેશાન માતા-પિતા માટે છે અચૂક ઉપાય!

7 વર્ષની દીકરીની માતાએ શેર કરી શાનદાર પેરેન્ટિંગ ટિપ, જીદ્દી બાળકોથી પરેશાન માતા-પિતા માટે છે અચૂક ઉપાય!
તસવીર: gstv
આ સમાચાર સાંભળો

બાળકોના સારા ભવિષ્ય માટે સાચી પેરેન્ટિંગ ખૂબ જ જરૂરી હોય છે. દરેક માતા-પિતા પોતાના હિસાબે બાળકો માટે બેસ્ટ કરવાનો પ્રયાસ કરે છે, તેથી કેટલાક પેરેન્ટ્સ સારી પેરેન્ટિંગ શીખવા માટે સેમિનાર અટેન્ડ કરે છે તો વળી કેટલાક પેરેન્ટ્સ પુસ્તકીય જ્ઞાન મેળવે છે. પરંતુ જેન્ટલ પેરેન્ટિંગના આ યુગમાં ઘણીવાર થોડો વધુ લાડ-પ્રેમ ભારે પડી જાય છે અને ધીમે-ધીમે બાળકો જીદ્દી બનવા લાગે છે. ઘણીવાર બાળકો પોતાની મનમાની એટલી બધી કરે છે કે તે કોઈ વસ્તુ મેળવવા માટે કે પોતાની વાત મનાવવા માટે જોર-જોરથી રડવા લાગે છે. બાળકોના આવા વર્તનને કારણે હંમેશા માતા-પિતાને પબ્લિક પ્લેસ પર શરમ અનુભવાતી હોય છે અને તેને સમજ નથી પડતી કે બાળકની સાથે કેવી રીતે ડીલ કરવું. એવામાં ઇન્સ્ટાગ્રામ પર એક મહિલાએ પેરેન્ટિંગમાં માત્ર એક જ બદલાવ કરીને પોતાની લાઇફને સરળ બનાવી દીધી છે. જો તમારું બાળક કોઈ વસ્તુ મેળવવા માટે ખૂબ વધારે રડતું હોય કે જીદ મૂક્યા વગર ન માનતું હોય, તો તમારે આ ટિપ ચોક્કસ અપનાવવી જોઈએ.

પહેલાં કોઈ પણ વસ્તુ મેળવવા માટે રડતી હતી દીકરી

મહિલાએ કોમેન્ટ સેક્શનમાં જણાવ્યું કે તેની દીકરી 7 વર્ષની છે અને આ પેરેન્ટિંગ ટિપ અપનાવતા પહેલાં તેની બાળકી કોઈ પણ વસ્તુ મેળવવા માટે ખૂબ રડતી હતી, જેના કારણે મહિલા ખૂબ જ પરેશાન રહેતી હતી. આ પરિસ્થિતિમાં તે બાળકીને મોટેથી રાડો આડતી હતી, જેથી તે ડરી જતી હતી. આ વાતનો પસ્તાવો મહિલાને પછીથી થતો હતો કે તેમણે આ શું કરી દીધું. આ ગિલ્ટથી બચવા માટે તેણે પેરેન્ટિંગમાં બદલાવ કરીને એક ખાસ ટિપ અપનાવી.

જાહેરાત

શું છે મહિલા દ્વારા અપનાવાયેલી ટિપ?

બાળકીના આ વર્તનથી બચવા માટે મહિલાએ એક ટિપ અપનાવી. જેમાં તેમણે બાળકીને પહેલેથી જ જણાવી દીધું કે ક્યારેક તમને વસ્તુઓ મળશે અને ક્યારેક નહીં મળે. આ ઉપરાંત આ ટિપનો બીજો નિયમ એ છે કે જો મહિલાએ બાળકીને એકવાર ના પાડી દીધી છે, તો તે ત્યારબાદ દીકરીની વાત પર ધ્યાન આપતી નથી (એન્ટરટેઇન કરતી નથી). જો બાળકી તેને ખૂબ આગ્રહ કરે અથવા છેલ્લીવાર અપાવવાની રિક્વેસ્ટ કરે તો તે સ્પષ્ટ ના પાડી દે છે. વળી, બાળકીના વધુ પડતા બોલવા પર તે જવાબમાં દીકરીને કહી દે છે કે હવે તે કોઈ સવાલનો જવાબ નહીં આપે કારણ કે એક જ વાત વારંવાર રિપીટ થઈ રહી છે. આ સિવાય, આ ટિપમાં તેણે ત્રીજી બાબત એ અપનાવી કે ઘરથી બહાર નીકળતા પહેલા જ તે પોતાની દીકરીને જણાવી દે છે કે આજે તે કેટલા રૂપિયા સુધીની વસ્તુ બાળકીને અપાવશે. જો કે, ઘણીવાર તે ઘરથી જ ના પાડીને નીકળે છે કે આજે તે કશું નહીં અપાવે કારણ કે છેલ્લી વખતે અપાવ્યું હતું. આવું કરવાથી બાળકના મનમાં પહેલેથી જ અપેક્ષા (એક્સપેક્ટેશન) સેટ થઈ જાય છે.

આ એક આદતથી બચે છે

મહિલાએ જણાવ્યું કે તે ન્યૂક્લિયર ફેમિલીમાં રહે છે અને આથી બાળકના તમામ નિયમો તે જ નક્કી કરે છે. તેના પાર્ટનર પણ તેમાં કોઈ દખલગીરી કરતા નથી. મહિલા કહે છે કે હંમેશા પેરેન્ટ્સ બાળકને મનાવવા માટે કહી દે છે કે તેઓ તેને માંગેલી વસ્તુ અપાવશે અને પછી જ્યારે નથી અપાવતા, ત્યારે તેનાથી બાળકનો વિશ્વાસ તૂટી જાય છે, જે યોગ્ય નથી. આવા વલણથી બાળકો તમને ખૂબ પરેશાન કરે છે.

આ સમાચાર શેર કરો

જાહેરાત