VIDEO/ Recipe: સ્વાદ અને પ્રોટીનનો ડબલ ડોઝ; માત્ર 10 મિનિટમાં ઘરે બનાવો ઢાબા સ્ટાઈલ પનીર ભુરજી

Quick Paneer Bhurji Recipe: જો શાક બનાવવા માટે વધુ સમય ન હોય, તો પનીર ભુરજી એક ઉત્તમ વિકલ્પ બની શકે છે. ડુંગળી, ટામેટાં, મસાલા અને તાજા પનીરમાંથી તૈયાર થતી આ રેસિપી મિનિટોમાં બની જાય છે. તેને રોટલી, પરાઠા, બ્રેડ અથવા પાવ સાથે પીરસીને સ્વાદિષ્ટ અને પૌષ્ટિક ભોજનનો આનંદ માણી શકાય છે.

આ પણ વાંચો :

Recipe: ફાધર્સ ડે પર પપ્પાને આપો સરપ્રાઈઝ! પોતાના હાથે બનેલી આ સ્પેશિયલ દેશી ડીશથી જીતો તેમનું દિલ

Recipe: શાહી સ્વાદ સાથે બનાવો મારવાડી અંદાજમાં આ પરંપરાગત રાજસ્થાની ગટ્ટાનું શાક!

પનીર ભુરજી બનાવવા માટેની સામગ્રી: 

આ પણ વાંચો :

Recipe: ડિનર કે લંચમાં સાઇડ ડિશ તરીકે પીરસો રેસ્ટોરન્ટ સ્ટાઈલ ક્રિસ્પી કારેલા; ડીપ ફ્રાય નહીં, બસ 1 ચમચી તેલમાં થશે તૈયાર!

Recipe: ઘરે અચાનક મહેમાન આવી ગયા અને શાકભાજી નથી, તો ટ્રાય કરો આ ઝટપટ બનતી મહારાષ્ટ્રીયન 'બટાટા ભાજી'

• ખમણેલું અથવા હાથથી મસળેલું 250 ગ્રામ પનીર
• ઝીણી સમારેલી 1 મોટી ડુંગળી
• ઝીણા સમારેલા 2 ટામેટાં
• 2 લીલાં મરચાં
• 1 નાની ચમચી આદુ-લસણની પેસ્ટ
• અડધી નાની ચમચી હળદર
• 1 નાની ચમચી લાલ મરચું પાવડર
• 1 નાની ચમચી ધાણાજીરું પાવડર
• અડધી નાની ચમચી ગરમ મસાલો
• સ્વાદાનુસાર મીઠું
• 2 મોટી ચમચી તેલ અથવા ઘી
• ઝીણી સમારેલી લીલી કોથમીર

પનીર ભુરજી બનાવવાની સરળ રીત

• સૌથી પહેલા એક કડાઈમાં તેલ અથવા ઘી ગરમ કરો. તેમાં ઝીણી સમારેલી ડુંગળી ઉમેરીને સોનેરી થાય ત્યાં સુધી સાંતળી લો.
• હવે આદુ-લસણની પેસ્ટ અને લીલાં મરચાં ઉમેરીને એક મિનિટ સુધી ચડવા દો.
• ત્યારબાદ સમારેલા ટામેટાં ઉમેરો અને તેને બરાબર ગળવા દો.
• હવે હળદર, લાલ મરચું, ધાણાજીરું પાવડર અને મીઠું ઉમેરીને મસાલાને 2 થી 3 મિનિટ સુધી સાંતળો.
• જ્યારે મસાલો બરાબર તૈયાર થઈ જાય (તેલ છૂટું પડે), ત્યારે તેમાં મસળેલું પનીર ઉમેરીને સારી રીતે મિક્સ કરી લો.
• ધીમા તાપે 3 થી 4 મિનિટ સુધી ચઢવા દો. છેલ્લે ગરમ મસાલો અને લીલી કોથમીર ઉમેરીને ગેસ બંધ કરી દો.

ખાસ ટિપ: જો તમારે રેસ્ટોરન્ટ જેવો સ્વાદ જોઈતો હોય, તો છેલ્લે થોડું માખણ (બટર) ઉમેરી શકો છો. આ સિવાય, અડધી નાની ચમચી કસૂરી મેથીને હથેળીઓ વચ્ચે મસળીને નાખવાથી પનીર ભુરજીની સુગંધ અને સ્વાદ બંને બમણા થઈ જાય છે.

ગરમા-ગરમ પનીર ભુરજીને રોટલી, પરાઠા, નાન, બ્રેડ, પાવ કે ટોસ્ટ સાથે પીરસી શકાય છે. તેનો ઉપયોગ સેન્ડવિચ કે રેપના સ્ટફિંગ (ફિલિંગ) તરીકે પણ કરી શકાય છે. પનીર ભુરજી ઓછા સમયમાં બનતી એવી રેસિપી છે, જે સ્વાદ અને પોષણ બંનેનું ઉત્તમ મિશ્રણ છે. પનીર પ્રોટીનનો સારો સ્ત્રોત માનવામાં આવે છે, તેથી આ વાનગી બાળકોથી લઈને મોટાઓ સુધી બધા માટે એક હેલ્ધી અને બેસ્ટ ઓપ્શન છે.