Recipe : કાચા આમળા-લસણની ચટણી બનશે સ્વાદિષ્ટ, જાણો કેવી રીતે બનાવવી? 

ખોરાકમાં સાઇડ ડીશ ખૂબ મહત્ત્વની ભૂમિકા ભજવે છે. ચટણી ખાસ કરીને ભોજનમાં ઉત્તમ સ્વાદ ઉમેરે છે. હવે શિયાળાની સિઝન આવી ગઈ છે ત્યારે આજે તમને આમળાની ચટણીની રેસિપી જણાવીશું જે રોગપ્રતિકારક શક્તિને વધારે છે. આ ચટણીનો સ્વાદ પણ અદ્ભુત હોય છે અને બનાવવામાં ખૂબ જ સરળ છે. રોગપ્રતિકારક શક્તિ વધારવા ઉપરાંત આ આમળાની ચટણી પેટ સંબંધિત રોગોને દૂર કરવામાં અને આંખોની રોશની સુધારવામાં પણ અસરકારક છે. જો તમે આમળા અને લસણીની ચટણીની રેસિપી ઘરે બનાવવા માંગો છો, તો ચાલો તમને જણાવીએ કે તેને કેવી રીતે બનાવવી?

આ પણ વાંચો: Recipe : સોજીના લોટમાંથી બનાવો ઇન્સ્ટન્ટ માલપુઆ, સ્વાદ ચાખીને મહેમાન પૂછતા રહી જશે 

આમળાની ચટણી બનાવવા માટેની સામગ્રી

• 8-10 આમળા
• આદુનો ટુકડો
• ઝીણી સમારેલી કોથમીર
• 4-5 લસણની કળી
• 2-3 લીલા મરચાં
• 1 ચમચી સરસવનું તેલ
• મીઠું સ્વાદ મુજબ.

આમળાની ચટણી બનાવવાની રીત

સ્ટેપ 1: આમળાની ચટણી બનાવવા માટે પહેલા આમળાને સ્વચ્છ પાણીમાં ધોઈ લો. ત્યાર બાદ આમળાને નાના-નાના ટુકડા કરી લો અને બીજ ફેંકી દો. તે પછી કોથમીરની જાડી દાંડી કાપી તેને પાણીમાં ધોઈ લો અને તેને ઝીણી કાપી લો. આ પછી લીલા મરચાને ઝીણા કાપી લો. હવે મિક્સર જારમાં આમળાના ટુકડા, લીલા ધાણા અને મરચું નાખીને બ્લેન્ડ કરો.

સ્ટેપ 2: આ પછી મિક્સરનું ઢાંકણ ખોલો અને તેમાં આદુના ટુકડા, લસણના ટુકડા, સ્વાદ અનુસાર મીઠું અને થોડું પાણી ઉમેરી, ઢાંકણ બંધ કરો અને ચટણીને 1 થી 2 મિનિટ સુધી હલાવતા રહો જ્યાં સુધી તે એકદમ ઝીણું ન થઈ જાય.

સ્ટેપ 3: હવે મિક્સર જારમાંથી આમળાની ચટણીને બાઉલમાં રેડો. તૈયાર છે તમારી ટેસ્ટી ચટણી. તેને એક અઠવાડિયા સુધી રેફ્રિજરેટરમાં રાખીને ખાવામાં ઉપયોગ કરી શકાય છે.