Navratri Recipes / નવરાત્રીના આઠમા દિવસે મા મહાગૌરીને અર્પણ કરો નાળિયેરની ખીર, આ રહી બનાવવાની રીત

નવરાત્રીનો તહેવાર તેના અંતિમ તબક્કામાં છે. આ નવ દિવસો દેવી દુર્ગાના નવ અલગ અલગ સ્વરૂપોની પૂજા માટે સમર્પિત છે. નવરાત્રીનો આઠમો દિવસ મા મહાગૌરીની પૂજા માટે સમર્પિત છે. એવું માનવામાં આવે છે કે મહાગૌરીની પૂજા કરવાથી ભક્તોને બધા પાપોમાંથી મુક્તિ મળે છે અને તેમના જીવનમાં સુખ અને સમૃદ્ધિ આવે છે. જો તમે નવરાત્રીના આઠમા દિવસે મા મહાગૌરીને કંઈક ખાસ અર્પણ કરવાનું વિચારી રહ્યા છો, તો નાળિયેરની ખીર એક સારો વિકલ્પ છે.

મા મહાગૌરીને નાળિયેર ખૂબ જ પ્રિય છે. તેથી, આઠમા દિવસે નાળિયેરની ખીર અર્પણ કરવી શુભ માનવામાં આવે છે. આ ખીર માત્ર સ્વાદિષ્ટ જ નથી, બનાવવામાં પણ સરળ છે. ચાલો તમને તેની રેસીપી જણાવી દઈએ.

સામગ્રી

• 1 લિટર- ફુલ-ક્રીમ દૂધ
• 1 કપ- છીણેલું તાજુ નારિયેળ
• 1/2 કપ- બાસમતી ચોખા (15-20 મિનિટ માટે પલાળેલા)
• 1/2 કપ- ખાંડ (અથવા સ્વાદ મુજબ)
• 1/4 ચમચી- એલચી પાવડર
• થોડા ડ્રાય ફ્રુટ્સ (બદામ, પિસ્તા)

બનાવવાની રીત

• સૌથી પહેલા ભારે તળિયાવાળા વાસણમાં દૂધ ગરમ કરો. જ્યારે ઉભરો આવી જ્યાં ત્યારે ગેસની આંચ ઓછી કરો.
• હવે તેમાં પલાળેલા ચોખા ઉમેરો અને ધીમા તાપે નરમ થાય ત્યાં સુધી રાંધો, વચ્ચે વચ્ચે તેને હલાવતા રહો જેથી ચોખા તળિયે ચોંટી ન જાય.
• જ્યારે ચોખા સંપૂર્ણપણે રાંધાઈ જાય અને દૂધ ઘટ્ટ થાય, ત્યારે તેમાં છીણેલું નારિયેળ ઉમેરો. બીજી 5-7 મિનિટ માટે રાંધો.
• હવે ખાંડ અને એલચી પાવડર ઉમેરો. ખાંડ ઓગળી જાય ત્યાં સુધી રાંધો, પછી ગેસની આંચ બંધ કરો.
• હવે તેમાં બારીક સમારેલા ડ્રાય ફ્રુટ્સ ઉમેરો
• નારિયેળની ખીર તૈયાર છે. તે ઠંડી થાય પાછી મા મહાગૌરીને અર્પણ કરો,
• આ પછી તમારા પરિવાર સાથે તેનો આનંદ માણો.