થાક લાગ્યા પછી પણ નથી આવતી ગાઢ ઊંઘ? આ ભૂલો હોઈ શકે છે જવાબદાર

દિવસે થાક લાગ્યા પછી પણ શું રાત્રે ગાઢ ઊંઘ નથી આવતી અને તમે વારંવાર જાગી જાઓ છો? જો તમારી સાથે પણ આવું થતું હોય, તો તેનું કારણ માત્ર ઊંઘ સાથે જોડાયેલું નથી, પરંતુ તમારા ખાવા-પીવાના રૂટીન સાથે જોડાયેલું છે. ન્યૂટ્રિશનિસ્ટના જણાવ્યા મુજબ, જો થાક લાગ્યા પછી પણ ઊંઘ ન આવતી હોય, તો તેનું કારણ તમારો ફૂડ રૂટીન છે. સ્લીપ સાયકલને જાળવી રાખવા માટે આખો દિવસ તમારા ખાવા-પીવાના રૂટીનને ફોલો કરવું જરૂરી છે. અહીં જાણો એવા કયા કારણો છે જે રાતની ઊંઘને વધુ સારી બનાવવામાં મદદ કરી શકે છે.

સવારનો નાસ્તો રાતની ઊંઘને સુધારે છે

સાંભળીને નવાઈ લાગી શકે છે, પરંતુ આ સાબિત થયેલું છે કે સવારના નાસ્તામાં ખાવામાં આવેલો હેલ્ધી ખોરાક રાતની ઊંઘને વધુ સારી બનાવે છે. મેલાટોનિન હૉર્મોન સેરોટોનિન હૉર્મોનમાંથી બને છે, જેને શરીર ટ્રિપ્ટોફૅન (Tryptophan) દ્વારા બનાવે છે અને રિસર્ચ મુજબ આ ટ્રિપ્ટોફૅન નાસ્તાના સમયે ખાવામાં આવેલા ખોરાક સાથે જ સૂર્યના પ્રકાશ (સનલાઇટ)થી મળે છે. જેનાથી રાતના સમયે મેલાટોનિનનું ઉત્પાદન થવામાં મદદ મળે છે. તો ન્યૂટ્રિશનિસ્ટના મતે જો ઈંડા અથવા યોગર્ટને કેટલાક ફળો અને કાર્બ્સ સાથે ખાવામાં આવે, તો તે તમારી રાતની ઊંઘને વધુ સારી બનાવે છે. અને આ મોર્નિંગ ફૂડ રાતના કોઈપણ રૂટીન કરતાં વધુ ઇફેક્ટિવ હોય છે.

કૉર્ટિસોલ હૉર્મોનને ઘટાડવાની જરૂર છે

મેલાટોનિન હૉર્મોનના ઉત્પાદન માટે એ જરૂરી છે કે સાંજ સુધીમાં શરીરમાં કૉર્ટિસોલ હૉર્મોનનું પ્રમાણ ઘટી જાય. જ્યારે તમે દિવસમાં ખોરાક નથી ખાતા, ત્યારે બ્લડ શુગર લો થાય છે અને શરીરમાં સ્ટ્રેસ વધે છે. બપોરના સમયે ખૂબ વધારે કૅફીનની માત્રા શરીરમાં કૉર્ટિસોલને વધારે છે.

જ્યારે લંચમાં તમે હેવી કાર્બ્સ ખાઓ છો, ત્યારે બ્લડ શુગર ક્રેશ થાય છે અને શરીરમાં સ્ટ્રેસ વધે છે એટલે કે કૉર્ટિસોલ હૉર્મોન વધે છે અને આ જ કૉર્ટિસોલ હૉર્મોન ઊંઘને ડિસ્ટર્બ કરે છે. એટલા માટે જ થાક લાગ્યા પછી પણ શરીરને પૂરી ઊંઘ નથી મળતી.

મોર્નિંગ સનલાઇટ છે જરૂરી

સારી ઊંઘ માટે મોર્નિંગ સનલાઇટ (સવારનો તડકો) પણ જરૂરી છે. આ શરીરના સર્કેડિયન રિધમ (Circadian Rhythm) ને રેગ્યુલેટ કરે છે અને આ જ સર્કેડિયન રિધમ શરીરને સાંજ પછી મેલાટોનિન હૉર્મોન વધારવામાં મદદ કરે છે.

આગલી વખતે જ્યારે તમને આવું મહેસૂસ થાય, તો બેડ ટાઈમ રૂટીનને સાચું કરતા પહેલા તમારા આખો દિવસના ખાવા-પીવાના રૂટીનને યોગ્ય કરો. જેથી કૉર્ટિસોલ લેવલ ઓછું થાય અને મેલાટોનિન હૉર્મોન વધે અને રાત્રે ઊંઘ સારી આવે.

નોંધ: આ આર્ટિકલ તમને જાગૃત કરવાના હેતુથી લખવામાં આવ્યો છે.