તમે પણ નેચર લવર છો, તો આસામના આ નેશનલ પાર્કની જરૂર લો મુલાકાત

આપણે બધા પ્રકૃતિની નજીક રહેવાથી માનસિક શાંતિ મેળવીએ છીએ. પરંતુ એવા ઘણા લોકો છે જેમને પ્રકૃતિ પ્રત્યે વિશેષ પ્રેમ છે અને તેઓ વાઈલ્ડલાઈફને નજીકથી જોવા અને જાણવા માંગે છે. જો તમે આવા લોકોમાંથી એક છો, તો તમારે એકવાર આસામની મુલાકાત અવશ્ય લેવી જોઈએ. ઉત્તર-પૂર્વ ભારતમાં સ્થિત આ રાજ્યમાં ઘણા નેશનલ પાર્ક અને વાઈલ્ડલાઈફ સેન્ચુરી છે, જે કોઈપણ પ્રકૃતિ પ્રેમી માટે બેસ્ટ જગ્યા છે. તમે પ્રખ્યાત એક શિંગડાવાળા ગેંડાને જોવા માંગતા હોવ કે વાઈબ્રન્ટ પક્ષીની પ્રજાતિઓ જોવા માંગતા હોવ આસામમાં તમને બધું જોવા મળશે.

વિશ્વ પ્રસિદ્ધ કાઝીરંગા નેશનલ પાર્કથી લઈને આકર્ષક માનસ નેશનલ પાર્ક સુધી, દરેક જગ્યા તમને એક અનોખો અને અવિસ્મરણીય અનુભવ આપે છે. આજે આ લેખમાં અમે તમને આસામના કેટલાક એવી કેટલીક જગ્યાઓ વિશે જણાવી રહ્યા છીએ જેને તમારે એકવાર અવશ્ય એક્સપ્લોર કરવી જોઈએ.

કાઝીરંગા નેશનલ પાર્ક

જ્યારે આસામમાં વાઈલ્ડલાઈફ જોવાની વાત આવે છે, તો કાઝીરંગા નેશનલ પાર્કનું નામ સૌથી પહેલા લેવામાં આવે છે. ગોલાઘાટ અને નાગાંવ જિલ્લામાં સ્થિત આ નેશનલ પાર્ક યુનેસ્કોની વર્લ્ડ હેરિટેજ સાઈટ છે અને ભારતના સૌથી પ્રસિદ્ધ નેશનલ પાર્કમાંનું એક છે. આ નેશનલ પાર્ક મુખ્યત્વે એક શિંગડાવાળા ગેંડા માટે જાણીતું છે. ભારતીય એક શિંગડાવાળા ગેંડાની સૌથી વધુ વસ્તી અહીં રહે છે. આ નેશનલ પાર્ક 430 ચોરસ કિલોમીટરમાં ફેલાયેલું છે અને ગેંડા ઉપરાંત, તે હાથી, વાઘ, જંગલી ભેંસ અને પક્ષીઓની વિવિધ પ્રજાતિઓનું ઘર પણ છે. નેશનલ પાર્કમાંથી બ્રહ્મપુત્રા નદી વહે છે, જે તેની પ્રાકૃતિક સુંદરતામાં વધારો કરે છે.

માનસ નેશનલ પાર્ક

જો તમે આસામ ગયા હોવ તો માનસ નેશનલ પાર્કને બિલકુલ ચૂકશો નહીં. તે વર્લ્ડ હેરિટેજ સાઈટ છે અને બક્સા, ચિરાંગ અને કોકરાઝાર જિલ્લામાં સ્થિત છે. તે એક ઉત્તમ નેશનલ પાર્કમાં આવે છે, જે ગાઢ જંગલ અને ઘાસના મેદાનોનું મિશ્રણ છે. તે હિમાલયની તળેટીનો એક ભાગ છે અને બંગાળ ટાઈગર, પિગ્મી હોગ, ભારતીય હાથી અને આસામ રુફ્ડ કાચબા સહિતની લુપ્તપ્રાય પ્રજાતિઓ માટે પ્રખ્યાત છે.

ગરમપાણી વાઈલ્ડલાઈફ સેન્ચુરી

ગરમપાણી વાઈલ્ડલાઈફ સેન્ચુરી કાર્બી આંગલોંગ જિલ્લામાં આવેલું છે અને આસામની સૌથી જૂના વાઈલ્ડલાઈફ સેન્ચુરીમાંની એક છે, જે લગભગ 6.05 ચોરસ કિલોમીટરમાં ફેલાયેલી છે. ગરમપાણી વાઈલ્ડલાઈફ સેન્ચુરી તેના કુદરતી ગરમ ઝરણાં અને સમૃદ્ધ જૈવવિવિધતા માટે પ્રખ્યાત છે. આ અભયારણ્ય હાથી, ચિત્તા અને પક્ષીઓની ઘણી પ્રજાતિઓ સહિત વિવિધ પ્રકારના વન્યજીવનનું ઘર છે. જો કે, આ વાઈલ્ડલાઈફ સેન્ચુરી બહુ મોટી નથી, તેમ છતાં તે આસામની સમૃદ્ધ જૈવવિવિધતાને સુરક્ષિત કરવામાં મહત્ત્વપૂર્ણ ભૂમિકા ભજવે છે. જો તમે પ્રકૃતિની નજીક રહેવા માંગતા હોવ તો આ સ્થળ તમારા માટે યોગ્ય છે.