ચોમાસાની ઋતુમાં મુલાકાત લેવા માટે બેસ્ટ છે ભારતના આ નેશનલ પાર્ક, હંમેશા યાદ રહેશે અહીંની સફર

ભારતમાં ફરવા માટેના સ્થળોની કોઈ કમી નથી. બિચ ડેસ્ટિનેશન હોય કે હિલ સ્ટેશન હોય કે વન્યજીવ અભયારણ્ય. અહીં ઘણા બધા વિકલ્પો છે, પરંતુ જો તમે તમારા પ્રવાસને યાદગાર બનાવવા માંગતા હોવ, તો સિઝન પ્રમાણે મુસાફરી કરો. ચોમાસાની સિઝન ચાલી રહી હોવાથી પહાડોની મુલાકાત લેવાનું પ્લાનિંગ પ્રવાસની મજા બગાડી શકે છે, પરંતુ આ સિઝનમાં ઘણા નેશનલ પાર્ક જોવાલાયક બની જાય છે.

કાબિની નેશનલ પાર્ક

આ યાદીમાં કર્ણાટક સ્થિત કાબિની નેશનલ પાર્ક પણ સામેલ છે. જે દક્ષિણ ભારતનો ખૂબ જ સુંદર નેશનલ પાર્ક છે. કર્ણાટકમાં આવીને આ નેશનલ પાર્ક  જોવાની તક ગુમાવશો નહીં. આસપાસની હરિયાળી અને શાંતિપૂર્ણ વાતાવરણ ખાસ કરીને પ્રવાસીઓને આકર્ષે છે. તમે પાર્કમાં કાબિની નદીમાં બોટિંગનો આનંદ પણ લઈ શકો છો. જંગલ સફારી દરમિયાન કાબિની નેશનલ પાર્કમાં ઘણા પ્રાણીઓ જોઈ શકાય છે.

દચીગામ નેશનલ પાર્ક

જમ્મુ-કાશ્મીરનો નજારો દરેક સિઝનમાં અલગ-અલગ હોય છે. જો તમે ઉનાળા અને શિયાળામાં કાશ્મીરની સુંદરતા એક્સપ્લોર કરી હોય, તો ચોમાસામાં પણ એકવાર ત્યાં જવાનો પ્લાન બનાવો અને ચોક્કસપણે દચીગામ નેશનલ પાર્કની મુલાકાત લો. દરિયાની સપાટીથી 14 હજાર ફૂટની ઉંચાઈ પર આવેલા દચીગામ નેશનલ પાર્કની સુંદરતા ચોમાસા દરમિયાન જોવા જેવી છે. જ્યારે તમે પાર્કમાં ચિત્તા, બિલાડી અને હિમાલયન લંગુર જેવા ઘણા જંગલી પ્રાણીઓને ખૂબ જોઈ શકો છો.

વેલી ઓફ ફ્લાવર્સ, ઉત્તરાખંડ

ઉત્તરાખંડમાં વેલી ઓફ ફ્લાવર્સ જોવાની અસલી મજા તો વરસાદ દરમિયાન જ આવે છે, કારણ કે આ સિઝનમાં આખી વેલી ફૂલોથી ભરાઈ જાય છે. કહેવાય છે કે આ ખીણ દર 15 દિવસે પોતાનો રંગ બદલે છે. જુલાઈ અને સપ્ટેમ્બર વચ્ચે અહીંની સુંદરતા તેની ટોચ પર હોય છે. આ જગ્યાએ જઈને તમે એક અલગ જ પ્રકારનું સ્વર્ગ અનુભવશો. ફૂલોની લગભગ 500 પ્રજાતિઓ અહીં જોઈ શકાય છે.