Jewellery Designs / અંગરખા સૂટ સાથે સ્ટાઇલ કરો આ પ્રકારની જ્વેલરી, તમને મળશે રોયલ લુક

જ્યારે પણ એથનિક આઉટફિટ્સ પહેરેની વાત આવે છે, ત્યારે આપણે સૌ પ્રથમ સૂટન સ્ટાઇલ કરવાનું પસંદ કરીએ છીએ. કારણ કે તે પહેરવામાં આરામદાયક છે. ઉપરાંત, તમે તેને કોઇપણ પ્રસંગ માટે પહેરી શકો છો. પરંતુ આ લુક પણ ત્યારે જ સારો લાગે છે જ્યારે આપણે તેની સાથે અલગ-અલગ ડિઝાઇનની જ્વેલરી પહેરીએ. તે તમારા દેખાવમાં એક અલગ જ ગ્રેસ લાવે છે. તમને અલગ-અલગ જ્વેલરી સ્ટાઇલ કરવાની તક પણ મળે છે. આજે અમે તમને જ્વેલરીની એવી ડિઝાઇન વિશે જણાવીશું જે તમે અંગરખા સૂટ સાથે સ્ટાઇલ કરી શકો છો.

ચોકર સ્ટાઇલ કરો

અંગરખા સૂટ સાથે ચોકર સેટ સારો લાગે છે. કારણ કે તેની નેકલાઇન એકદમ આકર્ષક હોય છે. આમાં તમને V આકારની નેકલાઇન મળશે. જેના કારણે સૂટ સાથે પહેરવામાં આવતી જ્વેલરી વધુ સુંદર લાગે છે. તમે હેવી વર્ક ચોકર સેટ સૂટ સાથે સ્ટાઇલ કરી શકો છો. તેની સાથે સ્ટડ ઇયરિંગ્સ પેર કરી શકો છો. તેને વધુ સુંદર બનાવવા માટે તમે તમારા હાથમાં વીંટી પણ પહેરી શકો છો. જેના કારણે આ આખો લુક સુંદર લાગશે. આ પ્રકારની જ્વેલરી તમને માર્કેટમાં 50થી 100 રૂપિયામાં મળી જશે.

ઓક્સિડાઇઝ્ડ બ્રેસલેટ અને ઇયરિંગ્સ

એવું જરૂરી નથી કે તમે અંગરખા સૂટ સાથે હેવી નેકલેસ પહેરો. તમે તેની સાથે ફક્ત બ્રેસલેટ અને ઇયરિંગ્સ પહેરી શકો છો. આ માટે તમારે ઓક્સિડાઇઝ્ડ બ્રેસલેટ અને ઇયરિંગ્સનો સેટ ખરીદવો પડશે. તમને 50 રૂપિયામાં ઇયરિંગ્સ અને 100 રૂપિયામાં બ્રેસલેટ મળી જશેશે. જો તમે ઇચ્છો તો, તમે તેને દુપટ્ટાના કોન્ટ્રાસ્ટ સાથે પણ ખરીદી શકો છો.

ચોકર સેટ અને ઇયરિંગ્સ

જો તમારે કંઈક એન્ટીક પહેરવું હોય તો આ વખતે તમે અંગરખા સૂટ સાથે બ્રોન્ઝ કલરનો ચોકર સેટ અને ઝુમકા પહેરી શકો છો. તેની સાથે તમે બ્રોન્ઝ કલરની રિંગ પણ પહેરી શકો છો. જેના કારણે તમારો લુક રોયલ લાગશે. તમે આ પ્રકારની જ્વેલરી કોઈપણ અન્ય સૂટ સાથે પણ પહેરી શકો છો. તમને આવા સેટ માર્કેટમાં 100થી 150 રૂપિયામાં મળી જશે.