Mother’s Day 2024 / કેવી રીતે થઈ હતી માતાના આ ખાસ દિવસની ઉજવણીની શરૂઆત, જાણો મધર્સ ડેની રસપ્રદ કહાની

માતા શબ્દ સાથે ઘણી લાગણીઓ જોડાયેલી છે. બાળક માટે માતાનું મહત્ત્વ શબ્દોમાં વ્યક્ત કરી શકાતું નથી. તેમના બલિદાન અને તેમના તમામ યોગદાનને માન આપવા માટે દર વર્ષે મે મહિનાના બીજા રવિવારે મધર્સ ડે ઉજવવામાં આવે છે. આ દિવસે, ફક્ત માતાનો જ નહીં, પરંતુ દરેક સ્ત્રીનો આભાર માનવામાં આવે છે જે આપણા જીવનમાં માતાની ભૂમિકા ભજવે છે, આપણી સંભાળ રાખે છે અને આપણી ચિંતા કરે છે.

મધર્સ ડે ક્યારે છે?

માતા કોઈપણ સ્વાર્થ કે ઈચ્છા વગર પોતાનું આખું જીવન પોતાના બાળકો માટે સમર્પિત કરે છે. માતા હોમ મેકર હોય કે નોકરી કરતી હોય, તેને હંમેશા પોતાના બાળકની ચિંતા રહે છે. તે દરેક પરિસ્થિતિમાં પોતાના બાળકને પ્રથમ પ્રાથમિકતા આપે છે. તેઓ આ બધું તેમના બાળકો માટેના પ્રેમના કારણે કરે છે અને બદલામાં કંઈપણ માંગતી નથી. તેથી મધર્સ ડે એ તેમનો આભાર માનવાનો સારો માર્ગ છે.

આ વર્ષે આ દિવસ આવતીકાલે એટલે કે 12મી મેના રોજ ઉજવવામાં આવશે. આ દિવસે લોકો તેમની માતાને ભેટ આપે છે, તેની સાથે ક્યાંક ફરવા જાય છે અથવા તેના માટે કંઈક ખાસ પ્લાન કરે છે, જેથી તે આરામ કરી શકે અને ખુશ થઈ શકે. પરંતુ શું તમે જાણો છો કે આ દિવસની ઉજવણીની શરૂઆત કેવી રીતે થઈ હતી. આજે અમે તમને તેની પાછળની વાર્તા જણાવીશું.

આ પણ વાંચો: Mother's Day 2024:  ઘરથી દૂર હોવ તો પણ તમારી માતાને વિશેષ અનુભવ કરાવો, તેમના ચહેરા પર આવશે સ્મિત

મધર્સ ડેની ઉજવણી કેવી રીતે શરૂ થઈ?

આ દિવસની ઉજવણી એના રીવ્સ જાર્વિસ દ્વારા કરવામાં આવી હતી. તેની પાછળની વાર્તા એ છે કે આ દિવસ દ્વારા એના તેની માતા એન રીવ્સ જાર્વિસને શ્રદ્ધાંજલિ આપવા માંગતી હતી. તેની માતાએ ગૃહયુદ્ધ દરમિયાન કાર્યકર તરીકે કામ કર્યું હતું. જ્યારે તેણીનું 1904માં અવસાન થયું, ત્યારે એનાએ તેની પહેલી ડેથ એનિવર્સરી પર વેસ્ટ વર્જિનિયામાં એક કાર્યક્રમનું આયોજન કર્યું, જેમાં તેણે માતા બનેલી અન્ય મહિલાઓને સફેદ કાર્નેશન ફૂલ આપ્યા હતા. જે તેની માતાના પ્રિય ફૂલ હતા. આ પછી તેણે નક્કી કર્યું કે દર વર્ષે મધર્સ ડે ઉજવવો જોઈએ, જેના માટે તેણે ઘણા અભિયાનો કર્યા અને અંતે 1914માં યુએસના રાષ્ટ્રપતિ વુડ્રો વિલ્સને દર વર્ષે મે મહિનાના બીજા રવિવારને મધર્સ ડે તરીકે ઉજવવાની જાહેરાત કરી. આ રીતે મધર્સ ડેની ઉજવણી શરૂ થઈ હતી.